,
"ბორჯომის" ჰოლდინგის მფლობელმა კომპანია Rissa Investments Limited-მა 2024 წლის ფინანსური ანგარიში წარადგინა. დოკუმენტიდან ირკვევა, რომ ჯგუფმა შემოსავალი 120 მილიონი დოლარით, 556 მილიონ დოლარამდე გაზარდა. ამასთან, გასულ წელს კომპანიას 84 მილიონი დოლარის წმინდა მოგება ჰქონდა.
Borjomi-ის მინერალური წყალი საერთაშორისო ჰოლდინგის შემადგენლობაში შედის, რომლის საბოლოო მაკონტროლებელიც კვიპროსზე რეგისტრირებული კომპანია Rissa Investments Limited-ია. ჯგუფი აწარმოებს "ბორჯომის", "ლიკანის", "ბაკურიანის", ასევე რუსეთის წამყვან მტკნარ წყალს - "სვიატოი ისტოჩნიკისა" და "მორშინსკის" მტკნარ და მინერალურ წყლებს.
რუსული ფინანსური მარეგულირებლისთვის Rissa Investments Limited-ის მიერ წარდგენილი ანგარიშის თანახმად, 2024 წლის განმავლობაში მისი შემოსავლების მთავარი წყარო რუსეთის ფედერაციის გაყიდვები იყო, რამაც 391 მილიონი დოლარი შეადგინა. მეორე ადგილზეა ყაზახეთი 41.9 მილიონი დოლარის გაყიდვებით, მესამეზე საქართველო $39 მილიონით, ბელარუსი $24.5 მილიონით მეოთხეზე, უკრაინა კი მეხუთე პოზიციაზე 16.7 მილიონი დოლარით.
რუსეთის მიერ უკრაინაში ომის დაწყებამდე ჯგუფის საკონტროლო პაკეტის მფლობელები სანქცირებული ოლიგარქების - მიხაილ ფრიდმანისა და პეტრ ავენის "ალფა ჯგუფი" იყო, აღნიშნულის გამო, სანქციები გავრცელდა თავად Rissa Investments Limited-ზეც, რის გამოც საქართველოში კომპანიის საქმიანობა შეფერხდა. აღნიშნულიდან გამომდინარე, საქართველოს მთავრობამ მიიღო გადაწყვეტილება ეროვნული ბრენდის გადარჩენის მიზნით, ჯგუფის აქციათა 7.73%-იანი წილი უსასყიდლოდ შეესყიდა. ამასთან, ჯგუფის დირექტორთა საბჭოს თავმჯდომარედ გიორგი მაისურაძე დაინიშნა.
შედეგად, ჯგუფის აქციათა წილები ასე გადანაწილდა:
● Erasmony Limited (მიხაილ ფრიდმანი და პეტრ ავენი - “ალფა ჯგუფი”) - 49.99%
● Black Waters Limited (პატარკაციშვილების ოჯახი) - 38.48%
● საქართველოს სახელმწიფო - 7.73%
● “ყოფილი თანამშრომელი და სხვადასხვა აქციონერი” - 3.79%
საქართველოს მიერ კომპანიის სააქციო შემადგენლობაში მონაწილეობის შედეგად, შესაძლებელი გახდა ბორჯომის წმინდა მოგებიდან დივიდენდების მიღება, თუმცა უცნობია როდის მოხდება აღნიშნული დივიდენდების განაწილება. BMG-იმ აღნიშნულის შესახებ კითხვით ეკონომიკისა და მდგრადი განვითარების სამინისტროს მიმართა.
ბორჯომის ჰოლდინგის მთლიანი აქტივები 455 მილიონი დოლარია.
წყარო:https://bm.ge/
ფინანსთა სამინისტროს შემოსავლების სამსახური საზოგადოებას შეახსენებს, რომ მიმდინარე წლის 1 ნოემბერს იწურება საქართველოს საგადასახადო კოდექსით განსაზღვრული, ფიზიკური პირის ქონების გადასახადის წლიური დეკლარაციის წარდგენის ვადა.
„ქონების გადასახადის (მათ შორის მიწის) გადამხდელი ფიზიკური პირები ვალდებული არიან, წარმოადგინონ ფიზიკური პირის ქონების გადასახადის 2025 წლის წლიური (2024 წელს მიღებული შემოსავლების მიხედვით) დეკლარაცია არა უგვიანეს, მიმდინარე წლის 1 ნოემბრისა და გადაიხადონ კუთვნილი გადასახადი არა უგვიანეს 15 ნოემბრისა.
დამატებითი ინფორმაციის მისაღებად გთხოვთ, იხილოთ ბმულები:
https://rs.ge/PersonsTaxFAQ?cat=5&tab=1
https://rs.ge/LawNewsArchive?newsId=1589
ვიდეო ინსტრუქცია:
https://www.youtube.com/watch?v=9iMXptuh5ro
სასურველი ინფორმაციის მისაღებად ასევე, შეგიძლიათ ისარგებლოთ შემოსავლების სამსახურის ციფრული სერვისებით - “RS ჩათი“ და “RS ბოტი“ ან დაუკავშირდეთ საკონსულტაციო სატელეფონო ცენტრს 2 299 299
საერთო ჯამში 250 ათასზე მეტ ფიზიკურ პირს, დეკლარაციის წარდგენის ვადის შესახებ, საინფორმაციო ხასიათის მოკლე ტექსტური შეტყობინება გაეგზავნება შემოსავლების სამსახურის ელექტრონულ სისტემაში რეგისტრირებულ მობილურ ნომრებზე", - ნათქვამია შემოსავლების სამსახურის მიერ გავრცელებულ ინფორმაციაში.
