,
2070 წლისთვის პლანეტის 3 მილიარდ მოსახლეს ცხოვრება განსაკუთრებულად მაღალი ტემპერატურის პირობებში მოუწევს. ამ ინფორმაციას BBC ავრცელებს.
სპეციალისტების მტკიცებით, საუკუნის ბოლომდე ჰაერის საშუალო ტემპერატურა 3 გრადუსით მოიმატებს. ამასთან, 2070 წლისთვის გარემოს დაბინძურებისა და გლობალური დათბობის ფონზე ჰაერის საშუალო ტემპერატურა პლანეტის ზოგიერთ ადგილას 29 გრადუს ცელსიუსამდე გაიზრდება, რაც მილიონობით ადამიანს ცხოვრებას სერიოზულად გაურთულებს.
სპეციალისტების განცხადებით, ტემპერატურის მატება განსაკუთრებით ჩრდილოეთ ავსტრალიას, ინდოეთს, აფრიკის, სამხრეთ ამერიკისა და ახლო აღმოსავლეთის ქვეყნებს დააზარალებს, სადაც სასმელი წყლის დეფიციტი გაჩნდება და სასოფლო-სამეურნეო მიწის ნაკვეთების ნაწილი განადგურდება.
