,
დღეს, ბრიუსელში განვითარებულ მოვლენებს საქართველოს პარლამენტის ვიცე-სპიკერი ზვიად ძიძიგურიც ეხმაურება და აცხადებს, რომ მას საერთოდ არ უკვირს მძაფრი რეაქცია ევროპარლამენტიდან.
„არ მიკვირს, რაც ხდება, ეს მწვავე შეფასებები, იმიტომ რომ რამდენიმე თვის განმავლობაში „ქართული ოცნება“, საპარლამენტო უმრავლესობა მთელი პოლიტიკური გუნდი, უმტკიცებდა მთელ მსოფლიოს, რომ ჩვენ მივაღწიეთ საარჩევნო სისტემასთან დაკავშირებით სერიოზულ პროგრესს, ეს იყო არსებული შერეული საარჩევნო სისტემის პროპორციული წესით შეცვლის შესახებ. ეს მართლა რევოლუციური გადაწყვეტილება იყო. მთელი 6 თვის განმავლობაში ჩვენ შიგნითაც და ქვეყნის გარეთაც ყველას ვუმტკიცებდით, რომ მივიღეთ ასეთი სწორი და კარგი გადაწყვეტილება. მე გულწრფელად ვულოცავდი ყველას, მათ შორის პოლიტიკური პარტიების წარმომადგენლებს, რომ ასეთი კარგი რამ მოხდა. საერთოდ არ მიკვირს, რომ ამაზე მძაფრი რეაქციაა, არც ევროპარლამენტიდან, არც ჩვენი სტრატეგიული პარტნიორების, ამერიკელების პოლიტიკური წრეების წარმომადგენლებისგან, არც შიდა ოპოზიციისგან. კონსერვატორებიდან სამი დეპუტატი გამოვედით ამ გადაწყვეტილების შედეგად, უარი ვთქვით თამაშის ისეთ წესზე, როგორიც ვნახეთ“,-განაცხადა ძიძიგურმა ტელეკომპანია „პალიტრანიუსის“ გადაცემაში „360 გრადუსი“ .
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
