USD 2.6978
EUR 2.9112
RUB 2.9177
თბილისი
ყველაფრის მოსწრების მცდელობაში
თარიღი:  813

ადამიანებს ცხოვრების მანძილზე ბევრი ინტერესი უჩნდებათ. რაც დრო გადისინტერესებისა და პასუხისმგებლობების რაოდენობა იზრდება,მაგრამ  დღის, კვირისა თუ წელიწადის ხანგრძლივობა უცვლელი რჩება. შესაბამისად, გროვდება ბევრი წიგნი, რომლის წაკითხვასაც ვერ ვასწრებთ, ბევრი განუხორციელებელი იდეა, ბევრი ონლაინ ტრენინგი, რომელსაც დროს ვერ ვუთმობთ...

დღეს ბევრი რჩევა და ტექნოლოგია არსებობს, რომლებიც დროის პროდუქტიულად და ეფექტიანად დაგეგმვაში გვეხმარებიან. თუმცა, inc.com-ის ბლოგერის, ჯესიკა სტილმანის აზრით, დროის რესურსის ნაკლებობას არავითარი მიდგომა არ შველის გარდა ერთისა: ადამიანებმა თვალი უნდა გაუსწორონ სიმართლეს  რომ არასდროს ექნებათ საკმარისი დრო გააკეთონ ყველაფერი რაც უნდათ ან რასაც გეგმავენ. მისი აზრით, ერთადერთი მიდგომა დაგვეხმარება რომ რთული დღის შემდეგ, არ გვქონდეს  გადაღლილობის განცდა და აღარ შეგვაწუხოს დანაშაულის გრძნობამ იმის გამო, რომ ჩვენი წასაკითხი წიგნებისა თუ სასურველი ონლაინ ტრენინგების სიას დიდი ხანია, ხელუხლებელი რჩება

ოლივერ ბარქმენი თავის სტატიაში ამბობს რომ დღევანდელმა საინფორმაციო და უფრო მეტად კი კონტენტის ერამ,  ბევრი წიგნი თუ პოდკასტი გახადა ხელმისაწვდომი. წასაკითხი წიგნებისა თუ მოსასმენი პოდკასტების სია,  ინდივიდის ინტერესების მიხედვით იზრდება. პარალელურად გაზრდილი სამუშაო დღის ფონზე, უფრო და უფრო ნაკლები დრო რჩება საკუთარი თავისათვის და ჩნდება დანაშაულის გრძნობა,   სასურველი წიგნის წაკითხვას ან პოდკასტის მოსმენას დრო ვერ დავუთმეთ.

დანაშაულის გრძნობა ისეთ სურვილებზეც ვრცელდება როგორიცაა რაღაც ახლის სწავლა, სხვა პროფესიის ათვისება და ახლობლების ნახვაც კი. დღეს ტექნოლოგიები დროის უფრო ეფექტიანად დაგეგმვის საშუალებას გვაძლევენ, თუმცა, უნდა გავიაზროთ, ჩვენს ცხოვრებაში იმაზე ნაკლები დროა, ვიდრე ჩვენი ყველა სურვილის შესრულებისთვისაა საჭირო. ამის გააზრება და შემდეგ შეგუება, ნებისმიერი ადამიანისთვის რთულია. ოლივერ ბაქმენის აზრით, რეალობის  მიღება  საუკეთესო მექანიზმია დანაშაულის შეგრძნების შესამცირებლად. ავტორი გვირჩევს რომ  დავფიქრდეთ და გადაწყვიტოთ, რომელი პასუხისმგებლობა და მიზანია ჩვენთვის ყველაზე მნიშვნელოვანი და მათი დღიური თუ წლიური რუტინა სწორედ ამ მიზნების გარშემო დავგეგმოთ.

 „ყოვლისშემძლეობაზე“ უარის თქმა რთული პროცესია. ალბათ, სტივ ჯობსისთვისაც რთული იყო ყოველ დილით, საკუთარი თავისთვის იმის შეხსენება, რომ მძიმე დაავადების გამო, მისი დრო შეზღუდული იყო. თუმცა,  რეალობის აღიარებამ და შეგუებამ, სწორი პრიორიტეტების განსაზღვრამ, სტივ ჯობსს  დიდი იდეების განხორციელების ენერგია მისცა.

ასე რომ, დროა ყველამ თვალი უნდა გავიუსწოროთ სიმართლეს- დრო საკმარისი არასოდეს გვაქვს,  შევარჩიოთ ჩვენთვის ყველაზე მნიშვნელოვანი მიზნები და ჩვენი შეზღუდული დრო სწორედ მათ განხორციელებას დავუთმოთ. ასეთი დამოკიდებულებით, შევამცირებთ გადაღლას,  დანაშაულის გრძნობას და ყველაფრის მოსწრების მცდელობასაც კი. როგორც ჯესიკა სტილმანი ამბობს, ასეთი აღიარება  ნებისმიერ კალენდარსა და პროდუქტიულობის მმართველ აპლიკაციაზე მეტად დაგვეხმარება.

წყარო: http://www.insource.ge/

სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.