,
უნგრეთის პრემიერ-მინისტრი ვიქტორ ორბანი ევროკავშირის ლიდერების მიერ უკრაინასთან მოლაპარაკებების დაწყების შესახებ მიღებულ გადაწყვეტილებას აკრიტიკებს და აცხადებს, რომ ბუდაპეშტი ამ გადაწყვეტილების მიღებაში არ მონაწილეობდა.
„დაახლოებით 8 საათის განმავლობაში ვმართავდით მოლაპარაკებებს ბრიუსელში, პრემიერ-მინისტრების სამიტზე. გვქონდა დიდი დებატები ევროკავშირში უკრაინის წევრობის საკითხზე. უნგრეთის პოზიცია ნათელია: უკრაინა არაა მზად მოლაპარაკებების დასაწყებად. ეს არის აბსოლუტურად უაზრო, ირაციონალური და არასწორი გადაწყვეტილებაა - დავიწყოთ უკრაინასთან მოლაპარაკებები ამ გარემოებებში. უნგრეთი თავის პოზიციას არ შეიცვლის. მეორე მხრივ, დანარჩენი 26 ქვეყანა ამ გადაწყვეტილებას ემხრობოდა. შესაბამისად, უნგრეთმა გადაწყვიტა, რომ ისინი თავისებურად უნდა მოიქცნენ. უნგრეთს არ სურს ამ ცუდ გადაწყვეტილებაში თანამონაწილეობა და ამ მიზეზით უნგრეთი დღეს გადაწყვეტილების მიღებაში არ მონაწილეობდა. გრძელდება მოლაპარაკებები ბიუჯეტში შესწორებების თაობაზე“, - აღნიშნა ორბანმა.
