ვაჟა-ფშაველას N10-ში სპორტული მოედანი რეაბილიტირდა
საბურთალოს რაიონში, ვაჟა-ფშაველას გამზირის N10 კორპუსის ეზოში სპორტული მოედნის რეაბილიტაცია დასრულდა.
რამდენიმე თვის წინ, ადგილობრივმა ბავშვებმა ეზოს კეთილმოწყობასთან დაკავშირებით, საბურთალოს რაიონის გამგებელს მიმართეს. გიზო ვასაძე ადგილზე შეხვდა წერილის ინიციატორებს და ამ შეხვედრის შემდეგ სპორტული მოედნის რეაბილიტაცია გადაწყდა.
პროექტის შედეგად, განახლდა ლითონის მავთულბადეები, დაიგო ბალახის ხელოვნური საფარი და დამონტაჟდა შესაბამისი ინვენტარი.
პროექტისთვის ადგილობრივი ბიუჯეტიდან დაახლოებით, 75 000 ლარი დაიხარჯა.
საბურთალოს გამგებელმა დასრულებული სამუშაოები ინიციატორ ბავშვებთან ერთად დაათვალიერა.
