ვაკის რაიონში გამგეობის ბინათმესაკუთრეთა ამხანაგობების ხელშეწყობის პროგრამის მიხედვით, სხვადასხვა მისამართზე წყალსაწრეტი მილების მონტაჟი და საერთო სარგებლობის კიბეების რეაბილიტაცია განხორციელდა.
ამხანაგობების მომართვის საფუძველზე, წყალსაწრეტი მილები ყიფშიძის N9ბ-ს, N12-ის და ნუცუბიძის I მ/რ-ის N15 კორპუსების ტერიტორიებზე დამონტაჟდა.
გარდა ამისა, კორპსუსის საერთო სარგებლობის კიბეები ნუცუბიძის IV მ/რ-ის N6 კორპუსში განახლდა და მოპირკეთდა.
კანონმდებლობით, ბინათმესაკუთრეთა ამხანაგობის წევრთა საერთო ქონების ერთობლივად მართვა მესაკუთრეებს ეკისრებათ. გადაწყვეტილებების მიღება ბინათმესაკუთრეთა ამხანაგობის წევრთა კრებაზე ამხანაგობის ყველა წევრის ჩართულობით ხდება.
„ბინათმესაკუთრეთა ამხანაგობების განვითარების ხელშეწყობის პროგრამის“ წესის მიხედვით, ზოგადად, გამგეობის მიერ სამუშაოების განხორციელებისას პროექტების ღირებულების 5%-10% ამხანაგობის საერთო ანგარიშზე რჩება და მოსახლეობის მიერ კორპუსის საერთო საჭიროებებს მოხმარდება. ამხანაგობა ვალდებულია „ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში დაფინანსებული სამუშაოების შედეგად რეაბილიტირებული და ამხანაგობის საერთო სარგებლობაში არსებული ქონების მოვლა-პატრონობა განახორციელოს.
