,
უკრაინის თავდაცვის მინისტრმა ალექსეი რეზნიკოვმა რუსეთთან ომის დასრულების სამი სცენარი დაასახელა. მისი თქმით, ეს შეიძლება იყოს რუსეთის დაშლა, უკრაინის გამარჯვება ბრძოლის ველზე ან მორიგი „კეთილი ნების ჟესტი“ რუსეთის მხრიდან.
„პირველი სცენარი იქნება დაახლოებით ისეთი, როგორიც რუსეთის „კეთილი ნების ჟესტი“ იყო, როდესაც ისინი კუნძულ ზმეინიდან, კიევის, ჩერნიგოვის და სუმის ოლქებიდან გაიქცნენ. ეს რამდენიმე ეტაპად მოხდება. ჩვენ ჯერ გავალთ 24 თებერვლის პოზიციებზე, შემდეგ იქნება საუბრები მანამდე ოკუპირებული დონეცკის, ლუგანსკისა და ყირიმის საკითხზე, მაგრამ ჩვენ პარტნიორების თანდასწრებით.
მეორე ვარიანტი ითვალისწინებს, რომ ჩვენ თანდათან გავანადგურებთ რუსეთის შეიარაღებულ ძალებს, იმიტომ რომ ეს რესურსების ომია. მათ ჰყავთ მეტი ხალხი, ტერიტორიები, ტანკები, თვითმფრინავები და ა.შ., მაგრამ ეს ყველაფერი მოძველებულია, ამიტომ ისინი დღეს ხორცსაკეპი მანქანის პრინციპს მიმართავენ. ეს სცენარი არ არის მოკლევადიანი და შეიძლება გაგრძელდეს მიმდინარე წლის ბოლომდე ან მომდევნო წლის დასაწყისამდე.
მესამე, რუსეთისთვის ყველაზე დრამატული სცენარი ითვალისწინებს მათი ქვეყნის დაშლას და რამდენიმე სუბიექტის მიერ სუვერენიტეტის გამოცხადებას: თათრეთი, ბაშკირეთი, შორეული აღმოსავლეთი და ა.შ. ამას ჩვენ აუცილებლად მოვესწრებით, თუმცა ესეც ცოტათი ხანგრძლივი პროცესია“, - განაცხადა რეზნიკოვმა.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
