,
უკრაინის პრეზიდენტი ვლადიმერ ზელენსკი ოფიციალური ვიზიტით საფრანგეთს ეწვია, - ამის შესახებ ინფორმაციას უკრაინული მედია ავრცელებს.
მათივე ინფორმაციით, პარიზში, ელისეს სასახლეში ვლადიმერ ზელენსკისა და ემანუელ მაკრონს შორის შეხვედრა მიმდინარეობს.
პრეზიდენტების შეხვედრის დღის წესრიგში უკრაინის საზღვართან რუსეთის ფედერაციის სამხედრო ძალების მობილიზება და უკრაინის რეფორმების საკითხები იქნება.
ზელენსკისა და მაკრონს შორის მოლაპარაკებებს ვიდეოკონფერენციის ფორმატში გერმანიის კანცლერი ანგელა მერკელიც შეუერთდება.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
