USD 3.0825
EUR 3.4980
RUB 4.0305
თბილისი
თურქეთის ელჩი ფატმა ჯერენ იაზგანი - წამლებისთვის თურქეთის „ბაზრის გახსნის“ საკითხი გახარიას დროსაც იყო განხილული
თარიღი : 01.14.2022 17:40  90

საქართველოში თურქეთის ელჩის ფატმა ჯერენ იაზგანის თქმით, ორ ქვეყანას შორის ფარმაცევტულ სფეროში თანამშრომლობის საკითხი ჯერ კიდევ წინა პრემიერ-მინისტრის გიორგი გახარიას თურქეთში ვიზიტის დროს იყო განხილვის საგანი, თუმცა მას შემდეგ პანდემიის დაწყებამ ეს პროცესი შეაფერხა, მაგრამ პრემიერ-მინისტრმა ირაკლი ღარიბაშვილმა კი ეს პროცესი განაახლა და იმპორტისა და ლიცენზირების მოთხოვნების შეცვლა დაანონსა.

დიპლომატის განცხადებით, თურქეთის საელჩოს კომერციულ დეპარტამენტს უკვე დაწყებული აქვს კომუნიკაცია კომპანიებთან.

“რა თქმა უნდა, ყველა მთავრობას სურს, ერთი მხრივ, გააკონტროლოს მედიკამენტების ხარისხი და მეორე მხრივ, უზრუნველყოს მათი ხელმისაწვდომობა. საქართველოსთვის ფარმაცევტული პროდუქციის მიწოდების საკითხი დღის წესრიგში ორიოდე წლის წინ, თურქეთში ჯერ კიდევ წინა პრემიერმინისტრის <გიორგი გახარიას> ვიზიტის დროს დადგა. შემდეგ პანდემია დაიწყო.

დღეს, როგორც უკვე პრემიერმა ღარიბაშვილმა განაცხადა, უფრო მჭიდრო თანამშრომლობის განზრახვა არსებობს. ამ თანამშრომლობის მხარეები არიან თურქეთის ფარმაცევტული კომპანიები და საქართველოს მთავრობა.

გასათვალისწინებელია ლიცენზირების მოთხოვნები, იმპორტის მოთხოვნები და ის მოლოდინები, რაც კომპანიებს შეიძლება ჰქონდეთ ამ თანამშრომლობასთან დაკავშირებით; ასევე, რატომ არ შეიძლება საქართველოს ბაზარზე გარკვეული თურქული წამლები მოხვდნენ. ეს არის ის საკითხები, რაზეც გვსურს, თურქულმა კომპანიებმა ფოკუსირება მოახდინონ, რომ შემდეგ თურქეთის მთავრობამაც გადაწყვიტოს, როგორ დავუჭიროთ მათ მხარი. ამ მიზნით საელჩოს კომერციული დეპარტამენტი საქართველოში ბაზირებულ თურქულ კომპანიებს უკვე ხვდება", - აღნიშნავს საქართველოში თურქეთის ელჩი ფატმა ჯერენ იაზგანი #Chekpoint-თან ინტერვიუში.  

ირაკლი ღარიბაშვილმა თურქეთიდან მედიკამენტების პარალელური იმპორტის, ასევე წამლების აკრედიტაციის და ხარისხის აღიარების შესახებ განცხადება 10 იანვარს მთავრობის სხდომაზე გააკეთა. მისი თქმით, ამ ცვლილებამ საქართველოში წამლები უნდა გააიაფოს და მედიკამენტებზე მოქალაქეთა დანახარჯები შეამციროს.

“ვაპირებთ გავხსნათ თურქეთის ბაზარი, რომ თურქეთიდან შემოვიდეს მაღალი ხარისხის მედიკამენტები, რაც ჩვენი პროგნოზით, გააიაფებს მედიკამენტებს. ამას გარდა, ჩვენ ასევე ვმუშაობთ კანონმდებლობაზე, რომელიც ამ მიმართულებით სიტუაციას კიდევ უფრო გააუმჯობესებს”, - აცხადებს პრემიერი.

ცვლილებებს მიესალმება “საქართველოს ბიზნეს ასოციაცია” (BAG), რომელიც აღნიშნავს, რომ თურქეთის ბაზრის გახსნის საკითხი ბიზნესსა და პრემიერს შორის გამართულ შეხვედრაზეც დაისვა.

“საქართველოს ბიზნეს ასოციაციის წევრმა კომპანიებმა პრემიერ ღარიბაშვილთან შეხვედრის დროს „ბაზრის გახსნის“ აუცილებლობის საკითხზე იმსჯელეს, რაც თანაბრად სამართლიან მდგომარეობაში ჩააყენებდა როგორც ფარმაცევტულ სექტორში მომუშავე ბიზნესოპერატორებს, ასევე მოსახლეობას, რომელიც შეძლებს გაიაფებული და ხარისხიანი მედიკამენტების მიღებას.

იმედს გამოვთქვამთ, რომ აღნიშნული პროცესი დინამიურად და კონსტრუქციულად წარიმართება,”- აღნიშნულია BAG-ის განცხადებაში.

ბიზნესი
კომპანია „ენდორფინი“ სახელმწიფოს „რიყის დოქების“ 1 ლარად გადაცემას სთხოვს

საცხობი „ენდორფინი“ ადგილზე საკუთარი ფილიალის გახსნას და უფუნქციოდ დარჩენილი შენობისთვის სიცოცხლის დაბრუნებას გეგმავს. ამისთვის კი, ცნობილი კვების ობიექტი ეკონომიკის სამინისტროს თხოვნით მიმართავს და უძრავი ქონების 1 ლარად გადაცემას ითხოვს.

მათი თქმით, იმედი აქვთ, გადაწყვეტილება არ იქნება ნაჩქარევი და მიღებული იქნება სახელმწიფო სტრატეგიული ინტერესიდან გამომდინარე, რაც მათთვის, შენობის 1 ლარად გადაცემას გულისხმობს.

განცხადება ეკონომიკის მინისტრის სახელზე უკვე შეტანილია. ტექტს და ფესბუქ პოსტს ,,ბიზნესპრესნიუსი" უცვლელად გთავაზობთ:

,,მეგობრებო, ვისაც გსურთ რომ “რიყის დოქებში” გაიხსნას ენდორფინი, შემოვიდეს ორჯერ მეტი ტურისტი, რაც თავისთავად აამუშავებს რესტორნებს, სასტუმროებს, მაღაზიებს, საკურორტე ადგილებს, ტაქსებს და ზოგადად გააცოცხლებს ყველაფერს და ააგუგუნებს ეკონომიკას, გთხოვთ დაგვიჭიროთ მხარი და თქვენს ფეისბუქ გვერდზე დათაგოთ ეკონომიკის სამინისტრო (ეკონომიკისა და მდგრადი განვითარების სამინისტრო ) და მიაწეროთ - “ რიყის დოქები 1 ლარად ენდორფინს”

მადლობა და იმედია გიმასპინძლებთ “რიყის დოქებში” მალე”, - ნათქვამია საცხობის მიერ გავრცელებულ მიმართვაში.

სრულად
გამოკითხვა
თქვენი აზრით ხელისუფლება კარგად მართავს კოვიდ სიტუაციას თუ არა?
ხმის მიცემა
სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.