USD
EUR
RUB
თბილისი
თუ ალკოჰოლს არ სვამთ, ნაადრევი სიკვდილის რისკის ქვეშ ხართ - როგორია ახალი კვლევის შედეგები?
თარიღი : 08.14.2021 11:23  2169

ახალი კვლევის თანახმად, იმ ადამიანებში, რომლებიც რეგულარულად სვამენ ალკოჰოლს, ნაკლებია ნაადრევი სიკვდილის შანსი მათთან შედარებით, ვინც საერთოდ არ იღებს მას.

დიახ, არ გეჩვენებათ და სწორად კითხულობთ - მკვლევარები წერენ, რომ თუ ალკოჰოლს საერთოდ არ იღებთ, ნაადრევი სიკვდილის რისკი იზრდება.

კვლევის შედეგი ბევრისთვის სიურპრიზი აღმოჩნდა.

მკვლევარებმა გარდა იმისა, რომ გაითვალისწინეს, თუ რა ინტენსივობით სვამდნენ კვლევაში ჩართული ადამიანები ალკოჰოლს, ასევე შეისწავლეს ამ ადამიანების ცხოვრების წესი - რამდენად კავდებოდნენ ისინი სხვადასხვა ფიზიკური აქტივობებით, როგორი იყო მათი სოციალური მდგომარეობა და კვების რეჟიმი.

კვლევას ტეხასის უნივერსიტეტის პროფესორი ჩარლზ ჰოლანი ხელმძღვანელობდა და მის დასკვნაში ნათქვამია, რომ ნაადრევი სიკვდილის რისკი ყველაზე მაღალია იმ ადამიანებში, ვინც არასოდეს ყოფილა ალკოჰოლური თრობის ქვეშ, ხოლო დაბალია ეს მაჩვენებელი მათში, ვინც რეგულარულად იღებს ალკოჰოლს.

ნაადრევი სიკვდილის ყველაზე დაბალი რისკის ქვეშ არიან ის ადამიანები, რომლებიც 3 ჭიქა ალკოჰოლურ სასმელს იღებენ ყოველი დღის განმავლობაში.

კვლევაში 1824 ადამიანი იყო ჩართული და იმ ადამიანებში, რომლებიც საერთოდ არ იღებდნენ ალკოჰოლს 60%-ით მაღალი იყო ნაადრევი სიკვდილის რისკი მათთან შედარებით, რომლებიც რეგულარულად სვამდნენ მას.

მკვლევარები აღნიშნულ შედეგს შემდეგნაირად ხსნიან - ალკოჰოლს ადამიანები, როგორც წესი, მარტო არ ღებენ, მას სვამენ მეგობრები, თანამშრომლების, ახლობლების გარემოცვაში. ის ამყარებს კავშირებს ადამიანებს შორის, აყალიბებს უფრო ძლიერ ურთიერთობებს, აუმჯობესებს განწყობას, ავიწყებს პრობლემებს. ყოველივე კი, ფსიქოლოგიურ და ფიზიკურ ჯანმრთელობას განაპირობებს.

ადამიანები, რომლებიც არ სვამენ ალკოჰოლს, როგორც წესი, არიან დეპრესიულები და ნაკლებად კომუნიკაბელურები, ნაკლები სოციალური კავშირები აქვთ, რაც მათ ფსიქოლოგიურ სიჯანსაღეზე უარყოფითად მოქმედებს.

ასე რომ, შეგიძლათ თამამად მიირთვათ საყვარელი ალკოჰოლური სასმელი. თუმცა ისიც გაითვალისწინეთ, რომ მიუხედავად კვლევის შედეგისა, მკვლევარები მაინც ზომიერების დაცვას გვირჩევენ და წერენ, რომ გადაჭარბებული რაოდენობით კარგი არაფერია.

სხვა
3 თვეში საქართველოში $25.7 ათასის ორგანოების იმპორტი განხორციელდა

მიმდინარე წლის 3 თვეში საქართველომ 25.7 ათასი დოლარის ღირებულების ორგანოთერაპიისთვის განკუთვნილი ჯირკვლები და სხვა ორგანოების იმპორტი განახორციელა. 2022 წლის დასაწყისში ქვეყანაში შემოტანილი ორგანოების მოცულობა გასული 4 წლის ანალოგიური პერიოდების იმპორტს აღემატება.

ოფიციალური სტატისტიკით ორგანოთერაპიისთვის შემოტანილი ამ დასახელების საქონლის მოცულობა იანვარ-მარტში 0.13 ტონა იყო.

რაც შეეხება ორგანოების იმპორტის წლიურ მონაცემებსა და იმ ქვეყნებს, სადაც საქართველო საქონელს ყიდულობს, საქსტატის მიხედვით, ბოლო ათი წლის განმავლობაში იმპორტის ყველაზე მაღალი მაჩვენებელი 2012 წელს გვქონდა (183 ათასი დოლარი, 0.74 ტონა). აღსანიშნია, რომ პანდემიის დაწყების პირველ წელს საქართველოდან 0.23 ტონა ორგანოების შესაძენად 155 ათასი დოლარი გავიდა. გასულ წელს კი 0.44 ტონა იმპორტირებული საქონლის ღირებულებამ 89.9 ათასი დოლარი შეადგინა.

ოფიციალური სტატისტიკიდან ჩანს, რომ ორგანოთერაპიისთვის განკუთვნილი ჯირკვლებისა და სხვა ორგანოების ყველაზე დიდი მომწოდებელი საქართველოსთვის აშშ-ია - 77.9 ათასი დოლარი, მას მოსდევს გაერთიანებული სამეფო - 3.8 ათასი დოლარი, ჰონ-კონგი - 3.3 ათასი დოლარი, გერმანია - 2.1 ათასი დოლარი, ავსტრალია - 0.9 ათასი დოლარით. საიმპორტო ქვეყნებს შორისაა: კანადა, იტალია, ახალი ზელანდია, ისრაელი, ბელგია და შვეიცარია.

წყარო:https://bm.ge/

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.