,
წალენჯიხაში სტიქიამ სახლებს სახურავები გადახადა და მოგლიჯა ხეები - დაზიანებულია ელექტროგადამცემი ბოძებიც. კერძოდ, ძლიერმა ქარმა კერძო სახლებსა და საცხოვრებელ კორპუსს სახურავი გადახადა ჭალეს ადმინისტრაციულ ერთეულში, ხოლო ჯვარში დაზიანდა ელექტროგადამცემი ბოძები, რის გამოც მოსახლეობის ნაწილს ელექტროენერგია არ მიეწოდებოდა.
წალენჯიხის მერის წარმომადგენლების ინფორმაციით, მუნიციპალიტეტის მასშტაბით დილიდან სალიკვიდაციო სამუშაოები ხორციელდება. მათი ცნობით, დაწყებულია ძლიერი ქარის შედეგად დაზიანებული სახურავების ნარჩენებისგან გასუფთავება და მომზადება გადახურვისთვის. რაც შეეხება ელექტროენერგიას, ამ დროისთვის ის ჯვარში სრულად აღდგენილია.
მათივე განცხადებით, ზარალის ზუსტი ოდენობა უცნობია - მერის წარმომადგენლები აღნიშნავენ, რომ ზარალს სპეციალური კომისია ითვლის და შედეგების მიხედვით, შესაბამისი თანხების მობილიზება სტიქიის სალიკვიდაციო ფონდიდან მოხდება და დაზიანებული ობიექტები სრულად გადაიხურება - მანამდე სახლები ალტერნატიული მასალით გადაიხურება.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
