,
აშშ-ის პრეზიდენტმა დონალდ ტრამპმა განაცხადა, რომ ამერიკული მხარე დიდი ხანი მუშაობდა სამშვიდობო შეთანხმების მიღწევაზე, რომელიც საბოლოო ჯამში ყველას მოეწონა, უკრაინის პრეზიდენტის ვოლოდიმირ ზელენსკის გარდა.
„მეგონა, რომ ჩვენ რუსეთთან შეთანხმების მისაღწევად ძალიან ახლოს ვიყავით. მეგონა, რომ უკრაინასთან შეთანხმების მისაღწევად ძალიან ახლოს ვიყავით. ყველას მოეწონა სამშვიდობო შეთანხმება, ზელენსკის გარდა. სამშვიდობო შეთანხმებიდან რაღაც ამოვიღეთ. არსებობს ოთხი, ან ხუთი სხვადასხვა ნაწილი. იცით, ცოტათი რთულია, იმიტომ რომ საქმე გვაქვს მიწის გაყოფასთან. ეს არ არის მარტივი ამბავი“, - თქვა ტრამპმა.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
