,
მინდა ვთქვა, რომ ჩვენ ნამდვილად კარგი ურთიერთობა გვქონდა ჩინეთთან ბოლო დროს, ძალიან კარგად ვუგებთ ერთმანეთს, - განაცხადა აშშ-ის პრეზიდენტმა, დონალდ ტრამპმა.
„ისინი ძალიან სამართლიანები იყვნენ სავაჭრო გარიგების ფარგლებში. და იმედი მაქვს, რომ შესანიშნავი ურთიერთობა გვექნება, დიდი, ძლიერი, მძლავრი ქვეყანაა. ჩვენ მათზე ძლიერები ვართ. ჩვენ მათზე ბევრად უკეთესი სამხედრო აღჭურვილობა გვაქვს, მაგრამ ძალიან კარგად ვუგებთ ერთმანეთს. პრეზიდენტ სი და მე ძალიან კარგად ვუგებთ ერთმანეთს. ხშირად ვსაუბრობთ“, - აღნიშნა დონალდ ტრამპმა.
დღეს აშშ ჯანდაცვის მსოფლიო ორგანიზაციას ოფიციალურად დატოვებს, - ინფორმაციას Reuters-ი ავრცელებს.
ჯანდაცვის მსოფლიო ორგანიზაციის ცნობით, აშშ-ის 2024-2025 წლებში ორგანიზაციაში შესატანი 260 მილიონი დოლარი ჯერჯერობით არ გადაუხდია.
აშშ-ის კანონმდებლობის თანახმად, აშშ-მა ორგანიზაციის დატოვებამდე ყველა გადაუხდელი დავალიანება უნდა დაფაროს.
ჯანდაცვის მსოფლიო ორგანიზაციის წარმომადგენლის განცხადებით, აშშ-ის მიერ ორგანიზაციის დატოვების საკითხს ჯანმოს აღმასრულებელი საბჭო თებერვალში განიხილავს.
შეგახსენებთ, ჯანდაცვის მსოფლიო ორგანიზაციის დატოვების შესახებ აღმასრულებელ ბრძანებას აშშ-ის პრეზიდენტმა, დონალდ ტრამპმა ხელი გასულ წელს, თანამდებობის დაკავების პირველივე დღეს მოაწერა.
