,
ფინალურ შეხვედრაში „ბასკონიამ“, რომლის კაპიტანიც 28 წლის ქართველი კალათბურთელია, „ბარსელონა“ 69:67 დაამარცხა და ეს ტიტული არსებობის ისტორიაში მეოთხედ მოიგო.
შენგელიამ თავისი გუნდის გამარჯვებაში ერთ-ერთი გადამწყვეტი როლი ითამაშა და შეხვედრა 14 ქულით, 4 მოხსნითა და 2 შედეგიანი გადაცემით დაასრულა.
„ბარსელონას“ ლიდერი და ჩემპიონატის საუკეთესო კალათბურთელი ნიკოლა მიროტიჩი კი სწორედ „ბასკონიას“ კაპიტნის წინააღმდეგ უხეშობის შემდეგ გააძევეს. თორნიკე შენგელია პირველი ქართველია, რომელმაც ესპანეთის საკალათბურთო ჩემპიონატი მოიგო
თურქეთის პარლამენტმა ბოლო მოსმენით მიიღო კანონი, რომლის თანახმადაც 15 წელს მიუღწეველ მოზარდებს სოციალურ ქსელებსა და ონლაინ პლატფორმებზე რეგისტრაცია აეკრძალებათ. ინფორმაციას Associated Press-ი ავრცელებს.
როგორც სააგენტო იუწყება, კანონი მიიღეს მას შემდეგ, რაც ერთი კვირის წინ 14 წლის მოზარდმა თურქეთის ქალაქ კაჰრამანმარაშის სკოლაში ცეცხლის გახსნა და ცხრა მოსწავლე და ერთი მასწავლებელი მოკლა.
ახალი კანონი სოციალურ ქსელებს დაავალდებულებს ასაკის შემოწმების სისტემა დანერგონ და მშობლის კონტროლი დააწესონ, აგრეთვე ოპერატიული რეაგირება მოახდინონ იმ კონტენტზე, რომელიც სახიფათოდ იქნება მიჩნეული.
სიახლე გულისხმობს იმას, რომ ისეთმა პლატფორმებმა, როგორებიცაა YouTube, TikTok, Facebook, Instagram და ა.შ., 15 წლამდე მოზარდებს რეგისტრაცია აუკრძალონ და შექმნან მშობლის კონტროლი.
