,
თბილისის მერია უნივერსიტეტის ქუჩიდან ქავთარაძის ქუჩისკენ ახალი გვირაბის გაყვანას გეგმავს. სახელმწიფო შესყიდვების სააგენტოს ვებგვერდზე გამოქვეყნებული განცხადების მიხედვით, მერია ამჟამად მოელის საინჟინრო და სამშენებლო კომპანიების პასუხებს მათ ბაზრის კვლევაზე თუ რამდენ მილიონ ლარზე უნდა გამოცხადდეს სამშენებლო ტენდერი.
წარდგენილი დოკუმენტაციის მიხედვით, ახალი გვირაბის სიგრძე 110 მეტრი იქნება და ის ორივე ქუჩაზე მოძრაობის განმუხტვას ისახავს მიზნად.
ბაზრის მოკვლევის თანახმად, კომპანიებმა მერიას საკუთარი საფასო შეთავაზებები 15 აპრილის ჩათვლით უნდა წარუდგინონ.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
