,
2021 წლის მარტში, ევროპის რეკონსტრუქციისა და განვითარების ბანკის დაფინანსებით გამოცხადდა ტენდერი თბილისის მეტროპოლიტენისთვის 44 ახალი ვაგონის შესასყიდადა.2021 წლის ნოემბერში, გამარჯვებულად კომპანია „მეტროვაგონმაში“ გამოცხადდა და ვაგონების მოწოდებაზე ხელშეკრულებაც დაიდო.
თუმცა 2023 წლის 19 მაისს, აღნიშნული კომპანია ევროკავშირის სანქციების ქვეშ მოხვდა და რუსულ „მეტროვაგონმაშთან“ დადებული ხელშეკრულების გაუქმების პროცედურა უკვე დაიწყო.
თბილისის ვიცე-მერის ირაკლი ხმალაძის განმარტებით, კითხვაზე - ხელშეკრულების გაწყვეტის გამო მერიას არანაირი ფინანსური სანქცია არ დაეკისრება. თუმცა მისივე თქმით, მერიას იმ ფასად, რა ფასადაც „მეტროვაგონმაშისგან” ყიდულობდა ვაგონებს, შესყიდვა გაუჭირდეს.
“ჩემი ვარაუდი შემიძლია გითხრათ, რომ ამ ფასში, რა ფასშიც ხდებოდა ამ კონტრაქტის ფარგლებში მოწოდება გაჭირდება, მაგრამ ამას გამოავლენს განახლებული სატენდერო პროცედურები. ხელშეკრულების გაწყვეტის პროცედურები დაწყებულია. რამდენიმე შეხვედრა ჩატარდა და იურისტები უკვე მუშაობენ.
გამიჭირდება იმის თქმა, რამდენად მოხდება სანქცირება ჩვენი მხარის ამ ხელშეკრულების გაწყვეტის შემდეგ. თუმცა ეს ფორსმაჟორული შემთხვევაა და არ მგონია, რომ ხელშეკრულების გაწყვეტას ჩვენზე რაიმე სანქციების გავრცელება მოჰყვეს. უფრო დაზუსტებულ ინფორმაციას მოგვიანებით მოგაწვდით",- აღნიშნა ვიცე-მერმა.
ხმალაძის თქმით, ამჯერად თბილისის მერია 44 ვაგონის ნაცვლად 212 ვაგონს შეისყიდის, შესაბამისად, ვაგონების მოწოდების ვადები დაკორექტირდება.
“მიმდინარე ხელშეკრულება უკვე ჩავარდნილია მეტროვაგონმაშის სანქცირების გამო და ჩვენ ახალი პროცედურების დაწყება გვიწევს, რადგან თბილისის მეტროპოლიტენს უახლოეს წლებში ნამდვილად სჭირდება განახლებული ვაგონები, რაც უნდა შევისყიდოთ.
ჩვენი სურვილი არის, რომ აღარ დავიგეგმოთ 44 ვაგონის შესყიდვაზე და მოხდეს მრავალწლიანი შესყიდვის განხორციელება. იმ რაოდენობების მიხედვით, რა საჭიროებაც თბილისის მეტროპოლიტენს უახლოეს წლებში ექნება. ვადები უფრო დიდი იქნება. პირველ მოწოდებას თუ გულისხმობთ, 44 ვაგონის მოწოდება ორ წელიწადში შესაძლებელი იქნება. ჯამში დაგვჭირდება 212 ვაგონი", - განაცხადა ირაკლი ხმალაძე.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
