,
თბილისის მერი კახა კალაძე კრწანისობის დღესასწაულს დაესწრო. ღონისძიება ტრადიციულად 300 არაგველის სახელობის სკვერში გაიმართა, სადაც კრწანისის ბრძოლაში დაღუპულთა სულის სავედრებელი პარაკლისი აღევლინა.
კახა კალაძემ შეკრებილ სტუმრებს დღესასწაული მიულოცა და აღნიშნა, რომ ქვეყნის ტერიტორიული მთლიანობის აღდგენა არის ყველაზე მთავარი იმისთვის, რომ საქართველო გაძლიერდეს.
„დღეს კრწანისობაა - სახალხო დღესასწაული, რომელსაც ყოველწლიურად აღვნიშნავთ. მინდა მივულოცო აქ მყოფ საზოგადოებას, ადგილობრივ მცხოვრებლებს და დედაქალაქის მოსახლეობას.
ღონისძიების ფარგლებში, ქვეყნისთვის მებრძოლი დაღუპულების სულებისთვის პარაკლისი გადაიხადეს. კრწანისის ბრძოლა არის ერთ-ერთი მაგალითი სამშობლოს სიყვარულის, ქართველების გაუტეხელობის. ჩვენ, მომავალმა თაობებმა ყველაფერი უნდა გავაკეთოთ, რომ ჩვენი ქვეყნის ტერიტორიული მთლიანობა აღვადგინოთ. ეს არის ყველაზე მთავარი და ეს უნდა გავაკეთოთ ძლიერი საქართველოსთვის, ძლიერი ეკონომიკისთვის, განათლებისთვის. მე დარწმუნებული ვარ, შევძლებთ აფხაზებთან და ოსებთან თანაცხოვრებას“, - აღნიშნა თბილისის მერმა.
ღონისძიებას, დედაქალაქის მერთან ერთად, კრწანისის რაიონის გამგებელი ბექა მიქაუტაძე, მაჟორიტარი დეპუტატები პარლამენტსა და საკრებულოში - ბექა ოდიშარია და ლევან ჯაფარიძე დაესწრნენ.
კრწანისობის დღესასწაულზე სტუმრების წინაშე ფოლკლორული ანსამბლი „თბილისი“ და ანსამბლი „ალილო“ წარდგნენ.
სკვერის ერთ სივრცეში ძველი, ქართულ-კავკასიური საბრძოლო იარაღისა და ქართული სამოსის მუზეუმის ექსპონატების გამოფენა მოეწყო. ძველი საბრძოლო ხმლები, თოფები, მუზარადები, ჯაჭვის პერანგი, ხევსურული ტალავერი, ჩოხა, ყაბალახი, აჭარული ჩაქურა და სხვა. სტუმრებს შესაძლებლობა ჰქონდათ, ექსპონატები მოერგოთ და სამახსოვრო ფოტოები გადაეღოთ.
300 არაგველის სკვერში კრწანისის რაიონის საჯარო სკოლების მოსწავლეების ნახატების გამოფენაც მოეწყო.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
