,
სუს-ში „ალტ-ინფოს“ წევრის ბექა ვარდოსანიძის გამოკითხვა მიმდინარეობს. როგორც მისი ადვოკატი, სერგი ხურციძე აცხადებს, ვარდოსანიძეს წარმოდგენა არ აქვს თუ რას ედავებიან.
მისივე თქმით, ბექა ვარდოსანიძის სახლიდან ამოღებულია სრული ტექნიკა, ამასთან, მის ოჯახის წევრებს ჩამოართვეს ტელეფონები.
„როდესაც ჩხრეკის დადგენილებას გავეცანი, იქ საუბარი იყო 331-ე მუხლზე, რაც გულისხმობს ტერორიზმის შესახებ ცრუ ზარის განხორციელებას. ამაზე წარმოდგენა არ აქვს თვითონ ბექა ვარდოსანიძეს, თუ რას ედავებიან, შევეცადე ინფორმაციის მოპოვებას პოლიციელების მხრიდან, რომლებმაც განაცხადეს, რომ საუბარია თითქოს ნოემბრის ფაქტზე. ახლა უშუალოდ ბექა ვარდოსანიძის გამოკითხვა იქნება და შევეცდები კონკრეტულად რა ხდება საქმეში გავარკვიო.
როგორც ასეთი, მისი სახლიდან ამოღებული იქნა სრული ტექნიკა და არამარტო მისი სახლიდან, არამედ ოჯახის წევრებს ჩამოართვეს ტელეფონები, ანუ აბსოლუტურად თუკი რაიმე ფუნქციონირებდა სახლში WiFi-ს როუტერიდან დაწყებული, მთლიანი ტექნიკა წამოიღეს და შესაბამისად, ამით ჩანს ისიც რომ მას ყველანაირად შეუზღუდეს თავისი საქმიანობის უფლება“, - ამბობს სერგი ხურციძე.
ცნობისთვის, სახელმწიფო უსაფრთხოების სამსახურში ტერორიზმის შესახებ ცრუ შეტყობინების ფაქტზე, კონტრტერორისტულმა ცენტრმა ბექა ვარდოსანიძის სახლში ჩხრეკა ჩაატარა. სუს-ის ინფორმაციით, კონკრეტული პირის ელექტრონული ფოსტიდან, სხვადასხვა უწყებაში გაიგზავნა ტერორისტული შინაარსის მუქარის შემცველი შეტყობინებები, რაც დაკავშირებული იყო აფეთქებებთან.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
