,
რაჭაში უხვი ნალექის გამო მდინარეები ადიდდა, რის გამოც, განადგურდა საავტომობილო გზის ნაწილი და ხიდები, ხოლო ელექტროგადამცემი ბოძების ნაწილი წყალმა წაიღო.
სტიქიამ ონიდან შოვის მიმართულებით საავტომობილო გზის რამდენიმე მონაკვეთი დააზიანა. რაჭაში სტიქიის შედეგების ლიკვიდაციის მიზნით, სტიქიის ზონაში გაემგზავრნენ საქართველოს საავტომობილო გზების დეპარტამენტის თავმჯდომარე ირაკლი ქარსელაძე და მისი მოადგილე გიორგი წერეთელი.
დეპარტამენტის წარმომადგენლები ადგილზე კოორდინაციას გაუწევენ სტიქიის შედეგად დაზიანებული ინფრასტუქტურის აღდგენით სამუშაოებს და სტიქიის შედეგების ლიკვიდაციისთვის აუცილებელ ღონისძიებებს. უკვე დაწყებულია სპეციალური ტექნიკის მობილიზება.
პრემიერ-მინისტრის დავალებით, სტიქიის ზონაში გაემგზავრა რეგიონული განვითარების საკითხებში პრემიერის მრჩეველი სოზარ სუბარი.
როგორც ონის მუნიციპალიტეტის მერის მოვალეობის შემსრულებელმა,დავით ჩიკაიძემ განაცხადა, ჯერჯერობით ზარალის ოდენობა დათვლილი არ არის, თუმცა, სტიქიის გამო ბევრ სოფელში ინფრასტრუქტურა იმდენად დაზიანდა, რომ მოსახლეობის ნაწილის ევაკუაცია გახდა საჭირო.
მისივე თქმით, კიდევ რამდენიმე მოქალაქის უსაფრთხო ადგილში გადაყვანა მალევე იგეგმება, ვინაიდან, არსებობს ღვარცოფის საშიშროებაც. ადგილზე მუშაობს მაშველთა ბრიგადაც.
ჩიკვაიძის განცხადებით, სტიქიის შედეგად,არავინ დაშავებულა.
უკრაინას იმაზე უფრო ძლიერი კოზირები აქვს, ვიდრე დონალდ ტრამპს ეგონა, - განაცხადა პოლონეთის საგარეო საქმეთა მინისტრმა. როგორც რადოსლავ სიკორსკიმ აღნიშნა, უკრაინა რუსეთის სიღრმეში წარმატებულ დარტყმებს ახორციელებს, ტრამპს კი გამარჯვებულები მოსწონს.
„უკრაინა საკუთარი დრონებითა და რაკეტებით დარტყმებს რუსეთის სიღრმეში ახორციელებს. ამიტომ, არ გამიკვირდება, თუ არც ისე დიდი ხნის შემდეგ ვოლოდიმირ ზელენსკი მისი საყვარელი პოლიტიკოსი გახდება“, - განაცხადა სიკორსკიმ
