,
სოხუმში ოპოზიციის მიტინგი მიმდინარეობს. ინფორმაციას ამის შესახებ “რადიო თავისუფლება” ავრცელებს.
გამოცემის თანახმად, აფხაზეთის ოპოზიციის “ეროვნული მიტინგი” სოხუმში დრამატულ თეატრთან მდებარე მოედანზე მიმდინარეობს.
აქციის ორგანიზატორები და მონაწილეები “ბინების შესახებ კანონს, აფხაზეთის ჩასახლების, აფხაზური მიწების დარიგების და ელექტროენერგიაზე ტარიფების გაზრდის” წინააღმდეგ გამოდიან.
გამოცემის თანახმად, მომიტინგეებს პლაკატები უკავიათ ლოზუნგებით - “აფხაზეთი არ იყიდება” და “ენერგეტიკა - ერის საკუთრებაა”.
ე.წ. “სამთავრობო” შენობების გარშემო უსაფრთხოების უპრეცედენტო ზომები არის მიღებული - დაყენებულია რკინის ზღუდეები, მავთულხლართები და ავტობუსები. ე.წ. “ძალოვანი სტრუქტურების” წარმომადგენლების გარდა “სამთავრობო” შენობებთან აფხაზეთის “მთავრობის” მომხრეებიც არიან შეკრებილნი.
აშშ-ის პრეზიდენტი დონალდ ტრამპი ირანთან დაკავშირებით აშშ-ის მოსახლეობას მიმართავს, - ინფორმაციას თეთრი სახლის პრესსპიკერი, კეროლაინ ლევიტი ავრცელებს.
„ხვალ საღამოს 9 საათზე (თბილისის დროით ხუთშაბათი, 5:00 საათი), პრეზიდენტი ტრამპი ერს მიმართავს, რათა მათ მნიშვნელოვანი სიახლე გააცნოს“, - წერს ლევიტი X-ზე.
მანამდე, აშშ-ის პრეზიდენტმა, დონალდ ტრამპმა თეთრ სახლში ჟურნალისტებს განუცხადა, რომ ირანის წინააღმდეგ ომი, ძალიან მალე დასრულდება.
„ძალიან მალე დავტოვებთ. ვიტყოდი, რომ შესაძლოა ორ კვირაში. ორ კვირაში, შესაძლოა სამ კვირაში. რეჟიმის შეცვლა მოგვიწია. რეჟიმის შეცვლა არ იყო ერთ-ერთი იმ მიზნებს შორის, რაც მე მქონდა. მე მქონდა ერთი მიზანი: მათ არ ჰქონოდათ ბირთვული იარაღი და ეს მიზანი მიღწეულია. მათ არ ექნებათ ბირთვული იარაღი. მაგრამ ვასრულებთ სამუშაოს და ვფიქრობ, შესაძლოა ორ კვირაში, შესაძლოა კიდევ რამდენიმე დღეში, შევასრულოთ ეს სამუშაო. მაგრამ გვინდა, რომ გავანადგუროთ ყველაფერი, რაც მათ აქვთ“, - განაცხადა ტრამპმა.
