,
„სოციალური კვლევისა და ანალიზის ინსტიტუტის” (ISSA) საზოგადოებრივი აზრის გამოკითხვით, ამ შაბათს რომ ახალი საპარლამენტო არჩევნები იმართებოდეს, 25,1% (ალოკაციით 31,5%) „ქართულ ოცნებას“ მისცემდა ხმას.
10,3%-ით (ალოკაციით 18%) მეორე ადგილზეა „კოალიცია ცვლილებებისთვის“. 8,5%-ია (ალოკაციით, 14,9%) „ერთიანობა — ნაციონალური მოძრაობის“ რეიტინგი. 6,3% (ალოკაციით 11%) აცხადებს, რომ „ძლიერ საქართველოს“ მისცემდა ხმას, 5,4% (ალოკაციით 9,5%) კი — „გახარიას საქართველოსთვის“.
გამოკითხულთა 18%-ზე მეტმა თქვა, რომ ურჩევნია, ამ კითხვას არ უპასუხოს, დაახლოებით 14%-მა კი არ იცის, ვის მისცემდა ხმას.
პარტიების რეიტინგი. წყარო: ISSA
ამასთან, გამოკითხულთა ნახევარზე მეტი (51.3%) აცხადებს, რომ არჩევნებში ხმა ოპოზიციურ პოლიტიკურ ძალას მისცა, ხოლო დაახლოებით მესამედი (32%) ადასტურებს „ქართული ოცნებისთვის” ხმის მიცემას. საკუთარ არჩევანს არ ამჟღავნებს 17%-მდე.
პარტიების რეიტინგი. წყარო: ISSA
სოციალური კვლევისა და ანალიზის ინსტიტუტის (ISSA) კვლევა 2025 წლის 18-30 იანვარს, ქვეყნის მასშტაბით ჩატარდა. გამოიკითხა 2000 რესპონდენტი, პირისპირ ინტერვიუს მეთოდით. რესპონდენტები შეირჩნენ ოჯახებში შემთხვევითი წესით. კვლევის შედეგები უზრუნველყოფს ±2.2% შერჩევის ცდომილებას მთლიანი შერჩევისთვის, 95%-იანი სანდოობით.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
