USD 2.6978
EUR 2.9112
RUB 2.9177
თბილისი
„სილამაზის მწვერვალებს ვაღწევთ მაშინ, როცა საკუთარ თავად ყოფნას გადავწყვეტთ“
თარიღი:  4999

„სილამაზის მწვერვალებს ვაღწევთ მაშინ, როცა საკუთარ თავად ყოფნას გადავწყვეტთ“

ეს სიტყვები გაბრიელ შანელს, იგივე კოკოს, მოდაში პირველ და ნამდვილად ყველაზე ძლიერ და დამოუკიდებელ ქალს ეკუთვნის. 

კოკო 1883 წელს დაიბადა, დედა მალევე გარდაეცვალა, მამამ კი არ მოინდომა შვილებზე პასუხისმგებლობის აღება, ასე რომ, მას ცხოვრება ბავშვთა სახლში მოუწია. სწორედ იქ ისწავლა კერვა და 18 წლიდან უკვე პატარა სამკერვალოში მუშაობდა, პარალელურად კი კაბარეში მღეროდა, სწორედ იქ შეერქვა მეტსახელად კოკო ამავე სახელწოდების სიმღერის ხშირად შესრულების გამო.

ატელიეში მუშაობის დაწყების შემდეგ კოკო ხშირად ხვდებოდა მდიდარი ქალბატონების წრეში, უყურებდა ამ ქალებს და ფიქრობდა, რომ მიუხედავად მატერიალური კეთილდღეობისა მათ არ ჰქონდათ მთავარი - თავისუფლება და კონტროლი საკუთარ ცხოვრებაზე. ისინი სილამაზეს და სექსუალურობას ვიწრო კორსეტით და ღრმა დეკოლტით წარმოაჩენდნენ, თუმცა მაინც უჭირდათ ყურადღების მიქცევა. მაშინ კოკომ კიდევ ერთი გაკვეთილი ისწავლა, არ არის საჭირო იყო გადატვირთული და უნაკლო საიმისოდ, რომ იყო დასამახსოვრებელი.  „ამ ქალებს, რომლებსაც მე ყოველდღე ვხედავდი, ეცვათ უზარმაზარ სახელოიანი მაქმანიანი კაბები, კორსეტები, რომლებშიც სუნთქვა უჭირდათ, ატარებდნენ რთულ, გრძელ ვარცხნილობებს და ზედმეტად გადატვირთულ ქუდებს“. მათ ეცვათ ასე, რადგან იმ ეპოქაში ვერავინ წარმოიდგენდა, რომ ქალი სილამაზის და ესთეტიკის გარდა რაიმეს განასახიერებდა.


ამ დროს კოკოს ღრმად სწამდა, რომ საკუთარი ცხოვრება და მომავალი ნებისმიერ ქალს თავად უნდა შეექმნა. „მე არ მომწონდა ჩემი ცხოვრება, ჰოდა თავადვე შევქმენი ახალი“. კოკო იყო პირველი, ვინც 100%-ით მამაკაცური სამოსი - შარვალ-პიჯაკი მოირგო და თმაც მოკლედ შეიჭრა.  ცხადია, თავიდან ყველა აკრიტიკებდა, მაგრამ ამას  კოკოსთვის ხელი არ შეუშლია დაწყებული საქმე იგივე ენთუზიაზმით გაეგრელებინა. „ არ მაინტერესებს რას ფიქრობთ ჩემზე, რადგან მე საერთოდ არ ვფიქრობ თქვენზე“ -  ალბათ არ გაგიკვირდებათ, თუ გეტყვით, რომ ეს ციტატაც შანელს ეკუთვნის.  ცოტა ხანში, მისი სტილი ფრანგი ქალბატონებისთვის შთაგონების წყარო გახდა, ისინი ხედავდნენ, როგორ თავისუფლად მოძრაობდა კოკო და რაც ყველაზე მთავარია, ხშირად  ექცეოდა პარიზის სასურველი მამაკაცების ყურადღების ცენტრში.  

კოკომ პირდაპირი მნიშვნელობით გაათავისუფლა ქალები კლიშეებისგან,  აჩუქა თავისუფლად ცხოვრების შესაძლებლობა და შანსი საკუთარი პიროვნების რევოლუცია თავად მოეხდინათ.  ეს უბრალოდ მხოლოდ შარვლის ან პატარა შავი კაბის მორგება არ იყო, ეს იყო სრული მეტამორფოზა, თავისი ტანსაცმლით ის ქალებს ცხოვრებას ასწავლიდა, ასწავლიდა რომ ყველაფერი მათ ხელში იყო და რომ არაა აუცილებელი გვერდით გყავდეს მამაკაცი, იმისთვის რომ თავი ბედნიერად და რეალიზებულად იგრნო. „ მხოლოდ 2 შემთხვევაში ვსვავ შამპანურს - როცა შეყვარებული ვარ და როცა არ ვარ“. 

ეს იყო პირველი ყველაზე სერიოზული ფემინისტური მანიფესტი. ამ ქალმა  აიღო კაცების ნაწილი (შარვალი, კოსტიუმი, მოკლე თმა) და ქალებს მოარგო, ამით გაგზავნა მთავარი მესიჯი -  თუ კი ქალებს შეუძლიათ ჩაიცვან და იმორაონ ისე, როგორც კაცებმა მაშინ მათ შეუძლიათ ყველაფერი, რაც კაცებს.

შანელს ატარებდა  მისი თანამედროვე ყველა ძლიერი და ცნობილი ქალი: მარლენ დიტრიხი, მერლინ მონრო, ჟაკლინ კენედი. შანელთან ერთად შეიქმნა არაერთი საკულტო მომენტი: მაგალითად ჟაკლინ კენედის ვარდისფერ კოსტიუმში გამოჩენა ოფიციალურ შეხვედრაზე,  ჯეინ ჰეპბერნი შარვლით წითელ ხალიჩაზე და ასე შემდეგ. ხოლო როცა მერლინ მონროს ჰკითხეს, თუ რა იყო მისი განუყრელი ატრიბუტი საწოლში - მერლინმა უპასუხა, რომ მხოლოდ 2 წვეთი შანელი N5 იყო საკმარისი თავდაჯერებულობის შესაძენად.

შანელის ქალი იყო დამოუკიდებელი, ელეგანტური, მაგრამ ამასთან სექსუალური. Little black dress სილუეტი შანელმა თავისი კარიერის დასაწყისშივე შექმნა და ამით  მკვეთრი ხაზი გაავლო სექსუალურობასა და ვულგარულობას, უბრალო ელეგანტურობასა და უგემოვნო ფუფუნებას შორის. „სამოსი სწორადაა შერჩეული, როცა გარშემომყოფებს ქალი ამახსოვრდებათ და არა ის, თუ რა ეცვა მას“ ამბობდა კოკო.

მიუხედავად იმისა, რომ კოკომ არაერთი სტანდარტი დაამკვიდრა, იგი გამუდმებით ამტკიცებდა, რომ თუ ქალს საზოგადოებაში თავის დამკვიდრება სურს, არ უნდა მიჰყვეს მხოლოდ სტანდარტებს, თუნდაც ეს შანელის სტანდარტები ყოფილიყო. „ერთადერთი ფერი, რომელიც მოდაშია არის ის, რომელიც ყველაზე მეტად გიხდებათ“. 

დღეს 21-ე საუკუნეა, შეიძლება ჩვენ განვვითარდით, ქალები  ბევრად უფრო რეალიზებულები და დამოუკიდებლები არიან, ვიდრე კოკოს ეპოქაში, მაგრამ ჩვენც ვერ ვეწევით მის სიტყვებს. ვცდილობთ ვიყოთ ის, ვისი ხატიც იდეალურად მიგვაჩნია, ჩავიცვათ ის, რაც ინფლუენსერებს აცვიათ და ამით ვშორდებით ყველაზე მთავარს -  საკუთარ თავს.  ვცდილობთ მაქსიმალურად მივჩქმალოთ ნაკლოვანებები და ამით ინდივიდუალიზმსაც ვკარგავთ. მოდის ისტორიაში ობიექტურად ყველაზე მნიშვნელოვან ქალს და დიზაინერს კი მიაჩნდა, რომ „მოდა გამუდმებით იცვლება, რჩება მხოლოდ სტილი“. სტილი კი - სტილი ინდივიდუალურია და მოდის ნაბიჯ-ნაბიჯ მიყოლას ჯობს ჩვენი სტილი ვიპოვოთ, თავი მაღლა ავწიოთ, წითელი პომადა წავისვათ და სამყარო ყველამ შეძლებისდაგვარად შევცვალოთ.

 

Vogue-ს მასალებზე დაყრდნობით მოამზადა ელენე ხვედელიძემ


  


  

სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.