,
წყარო:https://bm.ge/
ბუნებრივი წიაღისეულის მოპოვებით გამდიდრებული ამერიკელი მეწარმე, რობერტ ფრიდლენდი პრეზიდენტ ჯო ბაიდენის “სუფთა ენერგიის კანონპროექტს” გამოეხმაურა და აღნიშნა, რომ აშშ-ის ხელისუფლებამ დოკუმენტში სპილენძიც უნდა გაითვალისწინოს, რადგან ამ ლითონის მოპოვება, მისი აზრით, ქვეყნისთვის კრიტიკულად მნიშვნელოვანია. რობერტ ფრიდლენდი ამბობს იმასაც, რომ მომავალში, საბირჟო ლითონებზე არსებული მოთხოვნა მიწოდებას მკვეთრად გადააჭარბებს, რაც ფასების კოლოსალურ ზრდას გამოიწვევს; ინვესტორის თქმით, შესაძლოა, ფასი გაათმაგდეს კიდეც.
დღეს, სასაქონლო ბირჟაზე სპილენძის ფასი კილოგრამზე $8.20-ის ფარგლებში მერყეობს, რაც 15%-ით ნაკლებია, ვიდრე 2022 წლის მარტში, როცა ფასები პიკში იყო.
ცნობისთვის გეტყვით, რომ რობერტ ფრიდლენდი ლითონების მომპოვებელი ერთ-ერთი უმსხვილესი კომპანიის, Ivanhoe Mines-ის მფლობელია. რობერტ ფრიდლენდის ქონებას ამერიკული Forbes-ი $3 მილიარდად აფასებს.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
