,
სექტემბერში თბილისში ბინის ქირა 10%-ით შემცირდა. ამის შესახებ თიბისი კაპიტალის მიერ მომზადებული საცხოვრებელი უძრავი ქონების ბაზრის მიმოხილვაში წერია.
როგორც თიბისი კაპიტალი წერს, 1 კვ.მ-ზე გასაქირავებელი ფასმა სექტემბერში 10.2 დოლარი შეადგინა, ამონაგები კი წლიურ ჭრილში 1.1 პროცენტული პუნქტით შემცირდა და 8.5%-ზე შენარჩუნდა.
რაც შეეხება ბინების გასაყიდ ფასს, როგორც თიბისი კაპიტალი წერს, 2025 წლის სექტემბერში, გასაყიდი ფასი გასული წლის იმავე თვესთან შედარებით 3%-ით გაიზარდა და 1284 დოლარს გაუტოლდა. ხოლო წინა თვესთან შედარებით, ფაქტობრივად, უცვლელი დარჩა.
ამასთან, თიბისი კაპიტალის თანახმად, სექტემბერში თბილისში 3900-მდე ბინა გაიყიდა. თიბისი კაპიტალის საცხოვრებელი უძრავი ქონების ბაზრის მიმოხილვაში აღნიშნულია, რომ გასულ თვეს, დედაქალაქში გაყიდული ბინების რაოდენობა წლიურად 13%-ით გაიზარდა და 3 869-ს გაუტოლდა. ბაზრის მოცულობამ $319 მილიონი შეადგინა და წლიურად 15%-ით გაიზარდა.
როგორც თიბისი კაპიტალი წერს, მსგავსი ზრდა ნაწილობრივ განაპირობა გასული თვის დასვენების დღეებმა, რომლის შედეგად გადადებული ოფიციალური რეგისტრაციები სექტემბერში აისახა.
ამასთან, 2025 წლის 9 თვის განმავლობაში ჯამურად გაყიდული ბინების რაოდენობა წლიურად 2%-ით გაიზარდა.
რაც შეეხება ბინების ტიპებს, სექტემბერში გაყიდული ახალი ბინების რაოდენობა 16%-ით შემცირდა 2024 წლის სექტემბერთან შედარებით და 611 ბინა შეადგინა, ხოლო გაყიდული ძველი ბინების რაოდენობა 3258-ს გაუტოლდა და 21%-იანი წლიური ზრდა დაფიქსირდა. ახალი ბინების წილი ჯამურად გაყიდული ბინების რაოდენობაში შემცირდა 16%-მდე.
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
