,
"თიბისი კაპიტალის" მიერ გამოქვეყნებული საქართველოს საავტომობილო ბაზრის მიმოხილვის თანახმად, 2025 წლის პირველ სამ კვარტალში საქართველოში სულ 5,255 ელექტრომობილი შემოვიდა, რაც ახალი ავტომობილების რეგისტრაციების მთლიანი რაოდენობის 4.8%-ს შეადგენს. შედარებისთვის, 2024 წლის ანალოგიურ პერიოდში ქვეყანაში 2,900 ელექტრომობილი შემოვიდა, რაც მთლიანი რეგისტრაციების წილში 3.2%-ს შეადგენდა.
შედარებისთვის, 2025 წლის 9 თვეში რეგისტრირებული ელექტრომობილების რაოდენობა აღემატება მთლიანად 2024 წელს რეგისტრირებულ ელექტრომობილების (4,225 ერთეული) რაოდენობას.
წლების მიხედვით საქართველოში ელექტრომობილების რეგისტრაციის სტატისტიკა ასეთია:
საქართველოში 2025 წელს რეგისტრირებული ელექტრომობილების 55% აშშ-ში არის წარმოებული; იაპონიაზე 15% მოდის; ჩინეთზე 14%; გერმანიაზე 11% დანარჩენ ქვეყნებზე კი 5%.
წყარო:https://bm.ge/
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
