საქართველოს მოსახლეობის დაახლოებით 10% ე.წ. "შავ სიაშია“ - ინფორმაციას საზოგადოება და ბანკები კრედიტინფო საქართველოს ანალიტიკურ მიმოხილვაზე დაყრდნობით ავრცელებს.

ორგანიზაციის ცნობით, 2025 წლის მარტის მონაცემებით, თითქმის 1.9 მილიონ საქართველოს ქალაქეს აქვს მინიმუმ ერთი სესხი მაინც. იქნება ეს ბანკი, მიკროსაფინანსო ორგანიზაცია, თუ ლომბარდი;

ყოველ მეხუთე მსესხებელს აქვს 30 დღეზე მეტი ვადაგადაცილება;

დაახლოებით 370 ათასი ადამიანი ვერ იხდის სესხს. ანუ მოსახლეობის 10%-ს აქვს მინიმუმ 1 პრობლემური კრედიტი მაინც, ზოგს რამდენიმეც. ამ სესხების დიდი ნაწილი თავმოყრილია არასაბანკო სუბიექტებში, ძირითადად სესხის ამომღებ კომპანიებში.

რაც შეეხება ჯამურ დავალიანებას, ფიზიკური პირების ჯამური, პრობლემური დავალიანება 2.7 მილიარდ ლარზე მეტია.

საზოგადოება და ბანკები წერს, რომ თუ ტენდენციას დავაკვირდებით, წლიდან წლამდე პრობლემური სესხების და ჭარბვალიანი მოქალაქეების რაოდენობა იზრდება. ეკონომიკურად აქტიური მოსახლეობის დაახლოებით 20% ე.წ. „შავ სიაშია“.