,
2025 წლის იანვარ-ნოემბერში საქართველოში იმპორტი 16.6 მილიარდ დოლარამდე გაიზარდა, რაც წინა წლის ანალოგიურ პერიოდთან შედარებით 9.3%-ით მეტია - ამის შესახებ საქსტატის მიერ დღეს გამოქვეყნებული ანგარიშიდან ხდება ცნობილი.
იმპორტში საქართველოს მთავარი საქონელი არის მსუბუქი ავტომობილები, რომელთა უდიდეს ნაწილსაც შემდეგ საქართველო რეექსპორტის მეშვეობით უცხოეთში ყიდის. 2025 წლის იანვარ-ნოემბერში საქართველოში 3.5 მილიარდი დოლარის მსუბუქი ავტომობილები შემოვიდა, ავტომობილების რეექსპორტი კი 2.6 მილიარდ დოლარს შეადგენდა. რაც შეეხება ბაზრებს, მთავარი საიმპორტო ქვეყანა არის აშშ საინდაც საქართველო მეორად ავტომობილებს ყიდულობს და მათ შემდეგ ცენტრალურ აზიაში ყიდის. აშშ-დან იმპორტი წელს რეკორდულად 33%-ით, 2.5 მილიარდ დოლარამდე გაიზარდა.
მეორე ადგილს იმპორტში ნავთობპროდუქტები იკავებს 1.2 მილიარდი დოლარით. ამ საქონლის იმპორტი წლიურად 4%-ით არის გაზრდილი. მესამე ადგილზეა მედიკამენტები 605 მილიონი დოლარით, რისი იმპორტიც 8%-ით გაიზარდა.
იმპორტის ტოპ ათეულში კვლავ არის ნახატები, რაც ბიძინა ივანიშვილის ხელოვნების ნიმუშების რელოკაციას უკავშირდება.
| # | საქონელი | მლნ დოლარი | ზრდა/კლება წინა წელთან |
| 1 | მსუბუქი ავტომობილები | $3,539 მლნ დოლარი; | 12% |
| 2 | ნავთობი და ნავთობპროდუქტები | $1,229 მლნ დოლარი; | 4% |
| 3 | სამკურნალო საშუალებები დაფასოებული | $605 მლნ დოლარი; | 8% |
| 4 | სურათები და ნახატები | $482 მლნ დოლარი; | 140216% |
| 5 | ნავთობის აირები და სხვა აირისებრი ნახშირწყალბადები | $364 მლნ დოლარი; | 2% |
| 6 | მობილური ტელეფონები | $301 მლნ დოლარი; | 2% |
| 7 | სიგარები, სიგარილები და სიგარეტები | $141 მლნ დოლარი; | -2% |
| 8 | სატვირთო ავტომობილები | $139 მლნ დოლარი; | -29% |
| 9 | კომპიუტერები და მათი ბლოკები | $137 მლნ დოლარი; | -44% |
| 10 | ვაქცინები, სისხლი და იმუნური შრატები | $118 მლნ დოლარი; | 36% |
| 11 | დანარჩენი საქონელი – სულ | $9,546 მლნ დოლარი; | 7% |
