,
საქართველოს XI მოწვევის პარლამენტის პირველი პლენარული სხდომა ხვალ, 12:00 საათზე, გაიმართება, - აღნიშნულის შესახებ ინფორმაციას პარლამენტი ავრცელებს.
ტრადიციულად, პირველ სხდომას უხუცესი წევრი წარუძღვება. დღის წესრიგის პირველი საკითხი ახალი შემადგენლობისთვის უფლებამოსილების ცნობა იქნება.
ცესკოს თავმჯდომარის მოხსენების შემდეგ საკითხი კენჭისყრაზე დადგება. ჩამოყალიბდება ფრაქციები, დეპუტატები თავმჯდომარესა და მის მოადგილეებს აირჩევენ.
მომდევნო კვირის სხდომის დღის წესრიგშია მთავრობისთვის ნდობის გამოცხადება.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
