,
სახელმწიფო კომპანიების უმსხვილესი კონგლომერატის, საპარტნიორო ფონდის რეფორმირების პროცესი აქტიურ ფაზაში შედის. სახელმწიფო კომპანიების საქმიანობა მნიშვნელოვან საკითხად იქცა საერთაშორისო ფინანსური ინსტიტუტებისა და მთავრობის ურთიერთობაშიც. IMF-სა და მთავრობას შორის მაისში მიღწეული შეთანხმებით, საპარტნიორო ფონდის საინვესტიციო საქმიანობა მაქსიმალურად უნდა შეიზღუდოს.
შეთანხმების მიხედვით, საპარტნიორო ფონდმა უნდა შეწყვიტოს ახალი საინვესტიციო პროექტები და მხოლოდ არსებული პროექტების დაფინანსებით შემოიფარგლოს. ეს იყო ფონდისთვის პირდაპირ წაყენებული პირობა.
ფონდის დირექტორის მოადგილის მოვალეობის შემსრულებელმა, გიორგი დანელიამ Forbes-ის კვირასთან ინტერვიუში ამ საკითხზე საუბრისას განაცხადა, რომ რეფორმირების პროცესში ერთ-ერთი ყველაზე მნიშვნელოვანი საკითხი ფონდის დაფინანსების წყაროს საკითხია. დანელიას თქმით, ფონდის დაფინანსების შესაძლო წყაროდ სახელმწიფო ბიუჯეტი განიხილება.
"ჩვენი წინადადება მოიცავს სამ ძირითად საკითხს. პირველი, ეს არის დაფინანსების წყაროების განსაზღვრა. ისტორიულად ჩვენი დაფინანსების წყაროები იყო ჩვენი შვილობილი კომპანიების დივიდენდები. როგორც აღმოჩნდა, ეს დაფინანსების საკმაოდ არასტაბილური წყაროა. ერთი გზა ითვალისწინებს სახელმწიფო დაფინანსებას და ერთჯერად კაპიტალიზაციას – მოხდება სახელმწიფო აქტივების გატანა ფონდის სტრუქტურიდან და მათ სანაცვლოდ ერთჯერადი კაპიტალშენატანის განხორციელება". – თქვა დანელიამ.
2017-2018 წლებში ფონდის ზარალი 1 მილიარდ ლარს აღემატება.
გიორგი დანელია ვერ ასახელებს კონკრეტულ თანხას, რომელიც, შესაძლოა, სახელმწიფომ ფონდს გადასცეს. მისი თქმით, ასევე უცნობია, ამგვარი დაფინანსება ერთი ბიუჯეტური წლის განმავლობაში მოხდება, თუ რამდენიმე წელზე გაიწერება.
დანელიას თქმით, ამგვარი მიდგომა სავალუტო ფონდის მხრიდან წამოვიდა, მისი თქმით, რახან საპარტნიორო ფონდი სახელმწიფო კომპანიაა, "IMF-ში მიაჩნიათ, რომ მასზეც იგივე ბიუჯეტური კონტროლის მექანიზმები უნდა ვრცელდებოდეს, რაც სახელმწიფო ბიუჯეტზე".
დანელია ამბობს, რომ დაფინანსების კიდევ ერთ წყაროდ ფონდისთვის სხვადასხვა ლიკვიდური სახელმწიფო აქტივების გადაცემა განიხილება, რომლითაც ფონდი პროექტების განხორციელებას შეძლებს.
"ფონდი, ბოლო ორი წელია, რეფორმირების ეტაპზეა, ჩვენ ვცდილობთ, შევცვალოთ ფონდის სტრუქტურა, საინვესტიციო მანდატი, დაფინანსების წყაროები და ა. შ. გამომდინარე იქიდან, რომ IMF-ს ჰქონდა გარკვეული რჩევები და რეკომენდაციები, ჩვენ აქტიურად ვთანამშრომლობთ მონეტარულ ფონდთან". – განაცხადა დანელიამ.
ამერიკის შეერთებული შტატები “მშვიდობის საბჭოს” პირველი ოფიციალური სამიტისთვის ემზადება. პრეზიდენტ ტრამპის მიერ შექმნილი ახალი საერთაშორისო ორგანიზაციის პირველ სხდომას ვაშინგტონში მდებარე, ტრამპისვე სახელობის მშვიდობის ინსტიტუტი უმასპინძლებს.
არსებული ინფორმაციით, მას წევრი ქვეყნების უდიდესი ნაწილი, 20-ზე მეტი სახელმწიფოს ლიდერი დაესწრება. მათ შორის იქნებიან საუდის არაბეთის, თურქეთის, ეგვიპტის, კატარისა და ინდონეზიის წარმომადგენლები. ასევე სომხეთისა და აზერბაიჯანის მმართველები.
როგორც ირკვევა, პირველ სამიტზე პრეზიდენტი დონალდ ტრამპი ღაზას რეკონსტრუქციისთვის ფონდის შექმნას დააანონსებს და გამოაცხადებს, თუ როგორ დაკომპლექტდება ის “საერთაშორისო სტაბილიზაციის სამხედრო ძალა”, რომელიც ღაზას სექტორის საზღვარზე განლაგდება და უზრუნველყოფს, რომ ისრაელსა და ჰამასს შორის სამხედრო მოქმედებები აღარ განახლდეს.
ჯერჯერობით, უცნობია, ზუსტად რა რაოდენობის სამშვიდობოებს გაგზავნიან სახელმწიფოები, თუმცა ცნობილია, რომ ინდონეზიის კონტრიბუცია ამ მხრივ 8,000 ჯარისკაცი იქნება. რაც შეეხება ფინანსებს, პრეზიდენტი ტრამპი მოელის, რომ ღაზას სექტორის ხელახლა აღდგენისთვის წევრი სახელმწიფოებისაგან მილიარდობით დოლარს მოიზიდავს. შეგახსენებთ, “მშვიდობის საბჭოს” წევრობის საწევროს გადასახადი ერთ ქვეყანაზე $1 მილიარდია, თუმცა განსაზღვრული არ არის, ეს თანხა უნდა ჩაირიცხოს ერთიანად, თუ სხვადასხვა პროექტების ფარგლებში, მთელი წლის განმავლობაში. შესაბამისად, სავარაუდოა, რომ შტატების ლიდერი კოლეგებს ფონდში პირველადი ფინანსური კონტრიბუციის შეტანას სწორედ $1-მილიარდიანი ვალდებულების ფარგლებში სთხოვს.
რაც შეეხება ჰამასს, რომლის განიარაღებისა და ძალაუფლების ჩამორთმევის გარეშეც “მშვიდობის საბჭო” ღაზას სექტორის რეკონსტრუქციასა და ახალი ადმინისტრაციის სრულფასოვან მმართველობას ვერ უზრუნველჰყოფს, არსებული ინფორმაციით, მის ტერორისტებს საშუალება ექნებათ, სამშვიდობო ძალებს საკუთარი ნებით ჩააბარონ იარაღი და როგორც პალესტინის მშვიდობიანმა მცხოვრებლებმა, ისე განაგრძონ ცხოვრება. მათთვის, ვისაც ასეთ რეალობაში დარჩენა არ ენდომება, “მშვიდობის საბჭო” პარტნიორი ქვეყნების მეშვეობით ღაზას სექტორიდან გასვლაში დაეხმარება. შეგახსენებთ, ამჟამად ჰამასის ხელმძღვანელობის პოზიციაა, რომ ახალ ღაზაში დარჩენა და ჯარისკაცების საპოლიციო ძალებში გაწევრიანება სურთ, რათა იმ ბრძოლამ, რაც წლების განმავლობაში სექტორის დაცვისთვის გასწიეს, უკვალოდ არ ჩაიაროს. თუმცა როგორც ტრამპის ადმინისტრაცია, ისე ისრაელი ამ ფორმით ჰამასის ღაზაში დარჩენას კატეგორიულად ეწინააღმდეგებიან. სავარაუდოა, რომ შუამავალი სახელმწიფოები, რომლებიც “მშვიდობის საბჭოშიც” არიან წარმოდგენილი, 19 თებერვალს ამ საკითხზე აქტიურად იმსჯელებენ.
