კორონავირუსის შემთხვევების დასტაბილურების მიზნით, საფრანგეთში ახალი რეგულაციები ამოქმედდა. ქვეყნის მასშტაბით ამიერიდან მოსახლეობას 18:00-დან 06:00-მდე ქუჩაში გამოსვლა ეკრძალება.

ამასთან ევროკავშირის ქვეყნების გარდა საფრანგეთში შესულმა ნებისმიერმა უცხოელმა, კორონავირუსის ტესტის უარყოფითი პასუხი უნდა წარადგინოს და 1 კვირით იზოლაციაში გადავიდეს.

პანდემიის დაწყებიდან საფრანგეთში კორონავირუსის შემთხვევათა რიცხვმა 2.89 მილიონს მიაღწია და გაერთიანებული სამეფოს შემდეგ ევროპის ქვეყნებს შორის მეორე ადგილას იმყოფება. საფრანგეთში კორონავირუსს 70 000-ზე მეტი ადამიანი ემსხვერპლა.