წყლისა და წყალარინების ქსელის რეაბილიტაცია მიმდინარეობს მერაბ კოსტავას ქ. N74-ში.
პროექტის ფარგლებში სრულად იცვლება დაზიანებული მილები და წყლისა და წყალარინების ახალი ქსელი ეწყობა. ასევე, განახლდება ჭები.
სამუშაოები „ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში ხორციელდება, რისთვისაც ადგილობრივი ბიუჯეტიდან 100 213 ლარია გამოყოფილი.
სამუშაოებს საბურთალოს რაიონის გამგეობის კონტრაქტორი კომპანია „ოკრიბა“ ასრულებს.
აღნიშნულ ტერიტორიაზე 10 ავტოფარეხის დემონტაჟი განხორციელდა. სამუშაოების დასრულების შემდეგ, რეაბილიტირებულ პერიმეტრზე ინფრასტრუქტურის განყოფილების დაკვეთით დასასვენებელი სივრცე მოეწყობა.
