11.02.2024 - საბრძოლო მოქმედებების შეჯამება უკრაინაში:
მდგომარეობა დონეცკის ოლქის ქალაქ ავდიივკაში უკიდურესად მძიმეა. რუსებმა ქალაქზე ჩრდილოეთიდან შეტევის შემდეგ ქალაქის ფარგლებში ღრმად შეაღწიეს. დაკავებულია რკინიგზის ხაზი ხოლო უკრაინული მომარაგების ხაზამდე დაახლოებით 500 მეტრია დარჩენილი.
მდგომარეობა უკეთესია ქალაქის ცენტრსა და სამხრეთში. წყლის საფილტრი დაწესებულება კვლავ უკრაინელთა ხელში რჩება.
რეალურია უკრაინელთა ალყაში მოქცევის საფრთხე. ცხადია რუსული შეტევა ძალიან რისკიანია და უკრაინული წარმატებული კონტრიერიშის შემთხვევაში შემოჭრილი ნაწილების გადაჭრა რეალური იქნება, მაგრამ ამ ეტაპზე მსგავსი უკრაინული იერიშის ნიშნები არ არის.
საბრძოლო მოქმედებებში ორივე მხრიდან ჩართულია მძიმე ტექნიკა და არტილერია. მიუხედავად იმისა, რომ უკრაინელები ეფექტურად ახორციელებენ რუსულ მოიერიშე ჯგუფებზე დარტყმას, მაინც რუსებს საარტილერიო ჭურვები და ცოცხალი ძალა მეტი ჰყავთ.
უშუალოდ ქალაქზე შტურმში ჩრდილოეთიდან და აღმოსავლეთიდან რუსების 30 ათასი სამხედროა ჩართული. მთელს სექტორში კი დაახლოებით 50 ათასი რუსია მობილიზებული.
გარდა რუსეთის რეგულარული არმიისა ავდიივკაზე იერიშში ჩართულნი არიან დონეცკელი და ლუგანსკელი სეპარატისტების ნარჩენები. ახლა მხოლოდ ნარჩენები, რადგან მათი მნიშვნელოვანი ნაწილი 2022-23 წელს განადგურდა. ტალღოვანი შეტევები და მასით დაწოლა უკრაინულ პოზიციებზე 2022 წლიდან პერიოდულად მიმდინარეობს.
ავდიივკაზე უკანასკნელი გამალებული იერიში რუსებმა 2023 წლის სექტემბრის ბოლოს დაიწეს, მაგრამ ქალაქის აღებას რუსები 2014 წლიდან ცდილობენ. 2022 წლის სრულმასშტაბიანი ომიდან მოყოლებული ქალაქზე შტურმისას დაახლოებით 35 ათასი სამხედრო დაკარგა რუსეთმა. ეს მონაცემი უკრაინულია, თუმცა იმ მასშტაბის იერიშებიდან გამომდინარე, რომელიც ავდიივკაზე მიმდინარეობდა და მიმდინარებს, ეს რიცხვი გამორიცხული ნამდვილად არ არის. ზოგიერთი ვერსიით კი მცირეც კია.
ომამდე ქალაქში 31 ათასი ადამიანი ცხოვრობდა. დღეს რამდენიმე ათეული ადამიანიღა რჩება. მათ შორის ის ადამიანებიც, რომელთაც ქალაქის დაბომბვისას/დაცვისას საკუთარი ოჯახის წევრი დაკარგეს.
ავდიივკა ქალაქი დონეცკის მომიჯნავედ მდებარეობს და რუსულ პოზიციებზე მიდებულ დანასავითაა. ამიტომაა, რომ რუსები მის აღებას ყველაფრის ფასად ცდილობენ.
უკრაინელებს ქალაქის სიახლოვეს თავდაცვის ახალი ზღუდეების მშენებლობა აქტიურად აქვთ დაწყებული.
მიყევით ბმულს - გიორგი კობერიძე