,
რუსთავში, შიდასაუბნო სივრცის კეთილმოწყობა, კიდევ ერთ ლოკაციაზე დასრულდა.
ახალ დასასვენებელ და რეკრეაციულ სივრცეში, რომელიც ჭყონდიდელის დასახლებაში, ჩეხოვის ქუჩაზე მოეწყო, რუსთავის მერიამ მოსახლეობასთან ერთად, გამწვანების აქცია მოაწყო.
ეკოაქციაში, რუსთავის მერმა ნინო ლაცაბიძემ და საქართველოს პარლამენტში რუსთავის მაჟორიტარმა დეპუტატმა ირაკლი შატაკიშვილმა, ქალაქის საკრებულოს ფრაქცია ,,ქართული ოცნების“ წევრებთან, ,,რუსთავსერვის ცენტრის” თანამშრომლებთან, ახალგაზრდებთან და მოსახლეობასთან ერთად მიიღო.
,,რუსთავში ვაგრძელებთ გამწვანების სამუშაოებს. ტერიტორია, სადაც ახლა ვიმყოფებით, მოსახლეობასთან ერთად შეირჩა და სწორედ, მათთან ერთად დავგეგმეთ თუ რა პროექტი უნდა განხორციელებულიყო. შედეგად, მივიღეთ ძალიან კარგი ახალი საზოგადოებრივი სივრცე, სადაც დღეს მოსახლეობასთან და ახალგაზრდებთან ერთად, დავრგეთ სხვადასხვა სახეობის ხე-მცენარე. ჩვენ გამწვანების სამუშაოებს, წლის განმავლობაში ქალაქში აუცილებლად გავაგრძელებთ“, – განაცხადა რუსთავის მერმა ნინო ლაცაბიძემ.
ირანთან დაკავშირებით გადაწყვეტილების მიღებამდე კვირები გვაშორებს და არა თვეები, - ამის შესახებ ისრაელში ვიზიტით მყოფმა ამერიკელმა სენატორმა, ლინდსი გრემმა განაცხადა.
„ახლა ორი ხაზი არსებობს. ერთი დიპლომატიური ხაზია, რომელიც ამ რეჟიმის დიპლომატიური გზის დასრულებას გულისხმობს, რაც ხელს შეუწყობს ჩვენს ეროვნული უსაფრთხოების ინტერესებს. მეორე ხაზი სამხედრო ვარიანტია“, - განაცხადა ლინდსი გრემმა.
მისი თქმით, ირანის რეჟიმი 1979 წლის შემდეგ ყველაზე სუსტ მდგომარეობაშია.
„რეჟიმის ცვლილების რისკი რეალურად არსებობს. ვფიქრობ, ირანელ ხალხს პოტენციალი აქვს იმისა, რომ აშშ-ის, ისრაელისა და რეგიონის დიდებული მოკავშირე გახდეს“, - განაცხადა მან.
