,
უსთავის მთავარ მოედანზე ქალაქის მთავარი ნაძვის ხე აინთო და საშობაო სოფელი გაიხსნა. ამის შესახებ ინფორმაციას რუსთავის მერია ავრცელებს.
რუსთავის მერიის ცნობითვე, საშობაო სოფელში რუსთაველებისთვის და ქალაქის სტუმრებისთვის ადგილობრივი მეწარმეების ნამუშევრების გამოფენა-გაყიდვა და კვების ობიექტებია მოწყობილი. საახალწლო სოფელში, მთავარ ნაძვის ხესთან პატარებს თოვლის ბაბუამ და ზღაპრის გმირებმა უმასპინძლეს, იქვე სხვადასხვა გასართობი აქტივობები და საციგურაო მოედანია მოწყობილი.
საშობაო სოფელში აქტივობები 14 დეკემბრიდან 7 იანვრის ჩათვლით გაიმართება.
თავისუფლების მოედანზე განთავსებულია 11 კვების ჯიხური და 20 სამრეწველო დახლი.
„14 დეკემბრიდან ყოველ საღამოს 18:00 საათიდან 23:00 საათამდე მოედანზე ჩაირთვება ფონური მუსიკა.
სამუშაო დღეებში 18:00-დან 20:00-მდე თოვლის ბაბუა სპეციალურად მოწყობილ სახლში უმასპინძლებს პატარებს, ხოლო შაბათ-კვირას 18:00-დან 21 საათამდე.
პატარების საახალწლო განწყობაზე კი თოვლის ბაბუა და ზღაპრის გმირები იზრუნებენ, მოეწყობა სხვადასხვა გასართობი აქტივობები, საციგურაო მოედანი, გაიმართება ანიმაციების ჩვენება.
საშობაო სოფელში აქტივობები 14 დეკემბრიდან 7 იანვრის ჩათვლით გაიმართება.
საახალწლო ილუმინაციებით მოირთო და განათდა რუსთავის ცენტრალური გამზირები, ქუჩები, ცენტრალური პარკი და სკვერები”, - ნათქვამია ინფორმაციაში.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
