პრეზიდენტ ვლადიმირ პუტინის სიტყვით გამოსვლამდე რამდენიმე საათით ადრე, რუსეთის სტატისტიკის ეროვნულმა სამსახურმა მთლიანი შიდა პროდუქტის მოცულობის წინასწარი მონაცემები გაასაჯაროვა. ოფიციალური უწყების შეფასებით, გასულ წელს რუსეთის ეკონომიკა 2.1%-ით შემცირდა, რაც IMF-ისა და რუსეთის ცენტრალური ბანკის პროგნოზთან შედარებით გაცილებით უკეთესი შედეგია.

შეგახსენებთ, რომ ომის საწყის პერიოდში საერთაშორისო სავალუტო ფონდი რუსეთის ეკონომიკის 6%-ით შემცირებას პროგნოზირებდა, წლის ბოლოსათვის კი პროგნოზები გადაიხედა და საერთაშორისო ინსტიტუტები 3.5%-იან შემცირებას მოელოდნენ.

მიმდინარე ფასებითა და ვალუტის კურსით, რუსეთის ეკონომიკის მოცულობა 2.02 ტრილიონ დოლარს შეადგენს, რაც წინა წელთან შედარებით 42 მილიარდი დოლარით შემცირებული მაჩვენებელია.