,
სუმის ოლქის სამხედრო ადმინისტრაციის ცნობით, ოლქის იუნაკოვსკის თემის ნოვენკოესა და ბასოვკას, ასევე ხოტინის თემის ვესელოვკასა და ჟურავკას დასახლებული პუნქტები რუსეთის ფედერაციის კონტროლის ქვეშაა.
„სუმის ოლქის ტერიტორიაზე მტრის კონტროლის ქვეშ იმყოფება იუნაკივსკის თემის ნოვენკოეს, ბასოვკას და ხოტინის თემის ვესელოვკასა და ჟურავკას დასახლებები. ამ სოფლების მაცხოვრებლები დიდი ხნის წინ არიან ევაკუირებულნი, იქ მშვიდობიან მოსახლეობას საფრთხე არ ემუქრება”, - განაცხადა სუმის საოლქო-სამხედრო ადმინისტრაციის ხელმძღვანელმა, ოლეგ გრიგოროვმა.
მისი თქმით, რუსეთის ფედერაცია აგრძელებს წინსვლის მცდელობებს ე.წ. „ბუფერული ზონის“ შექმნის მიზნით.
„ბრძოლები გრძელდება სოფელ ვოდოლაგას მიმდებარე ტერიტორიაზე, ვლადიმიროვკას, ბელოვოდის, კონსტანტინოვკასა და კონდრატოვკას მახლობლად ხოტინის თემში, ასევე ლოკნიას მიმდებარე ტერიტორიაზე იუნაკივის თემში“, - აღნიშნა გრიგოროვმა.
მისი თქმით, უკრაინელები მტრის თავდასხმებს იგერიებენ და მათ სუმის ოლქის ტერიტორიაზე ღრმად შეღწევის საშუალებას არ აძლევენ.
უკრაინის პრეზიდენტი ვოლოდიმირ ზელენსკი ევროპის პოლიტიკური გაერთიანების სამიტზე დასასწრებად სომხეთის დედაქალაქ ერევანში ჩავიდა, - ინფორმაციას უკრაინული მედია პრეზიდენტის პრესსპიკერზე სერგეი ნიკიფოროვზე დაყრდნობით ავრცელებს.
ნიკიფოროვის განცხადებით, იგეგმება უკრაინის პრეზიდენტის შეხვედრა ნორვეგიის, ფინეთის, გაერთიანებული სამეფოს და ჩეხეთის პრემიერ-მინისტრებთან.
პრეზიდენტის პრესსპიკერის თქმით, სამიტი ორდღიანია და შესაბამისად, ორმხრივი და მრავალმხრივი შეხვედრები ღონისძიების მეორე დღესაც გაგრძელდება.
