,
რუსეთის ფედერაცია გეგმავს, სამი უმსხვილესი ნავთობკომპანია, კერძოდ "როსნეფტი", "გაზპრომნეფტი" და "ლუკოილი" ერთ საერთო კომპანიად ჩამოაყალიბოს. ამის თაობაზე სხვადასხვა წყაროებზე დაყრდნობით, საინფორმაციო გამოცემა The wall street journal წერს.
გავრცელებული ინფორმაციის თანახმად, ეს თუ ასე მოხდა, მსოფლიოში ზომით და სიდიდით მეორე ნავთობკომპანია შეიქმნება, რომელიც მოცულობებით, მხოლოდ საუდის არაბეთის სახელმწიფო კომპანია Saudi Aramco-ს ჩამოუვარდება.
რას შეცვლის ასეთი ვითარება მსოფლიო ნავთობის ბაზარზე, ჯერ ამის თქმა რთულია, მაგრამ ფაქტია, რომ მსოფლიოში ახალ ენერგოგიგანტი გაჩნდება და ეს გაერთიანება თუ მოხდა, ეს იქნება ნომერ მეორე ყველაზე მსხვილი ნავთობის მწარმოებელი კომპანია პლანეტაზე, რომელიც დასავლურ სანქციებს მარტივად გაუმკლავდება. ასევე გაერთიანებული კომპანია შეძლებს გაცილებით მეტი ფულის შოვნას და შემოსავლის მიღებას, ვიდრე ეს კომპანიები ამ დრომდე ცალ-ცალკე ახერხებდნენ. ამასთან, "ლუკოილის" დუბაის ოფისი იქნება მთავარი წარმმართველი ამ ვითარებაში.
ინფორმაციისთვის, სწორედ დუბაიში მდებარეობს უმსხვილესი trade-in კომპანია litasco, რომელიც როსნეფტი, გაზპრომნეფტი და ლუკოილის გაერთიანების შემთხვევაში, პლანეტის რიგით მეორე ენერგოგიგანტისთვის გაყიდვის მთავარი ლოკაცია გახდება.
ამით კი, პრეზიდენტ ვლადიმერ პუტინს საშუალება მიეცემა, რომ გაამყაროს კონტროლი გაყიდულ ნავთობსა და მთლიანად ეკონომიკაზე. ისევე როგორც, გაცილებით სარფიანად გაყიდოს რუსული ნავთობი ჩინეთსა და ინდოეთზე.
წყარო:https://bm.ge/
ამერიკული გაზეთი „ჰილი“ (The Hill) აქვეყნებს სტატიას სათაურით „მკვდრეთით აღმსდგარი: დონალდ ტრამპი როგორც ამერიკული პოლიტიკის „ლაზარე“ (ავტორი - დერეკ ჰანტერი).
„სიტყვას „ისტორიული“ პოლიტიკაში ხშირად იყენებენ ხოლმე და მას ფეხბურთის ბურთივით ათამაშებენ, ზოგჯერ კი მიზანში ვერ ურტყამენ. დონალდ ტრამპთან მიმართებით კი ამ სიტყვის გამოყენება სამართლიანია. მისი მიღწევა მართლაც ისტორიულია. მან უდიდესი რევანში აიღო პოლიტიკაში.
დონალდ ტრამპი არამხოლოდ პოლიტიკური გვამი იყო, არამედ საერთოდ, „პერსონა ნონ-გრატა“ როგორც ვაშინგტონში, ასევე მშობლიურ ნიუ-იორკშიც. და როგორც ხდება ხოლმე პოლიტიკაში, მას საპყრობლეში გაგზავნითაც ემუქრებოდნენ... და ახლა იგი თეთრ სახლში ძლევამოსილად ბრუნდება - ისეთ თამაშში გამარჯვების შემდეგ, რომელიც მანამდე არავის უთამაშია.
აშშ-ის ისტორიაში დონალდ ტრამპამდე მისნაირად მხოლოდ 22-ე და 24-ე პრეზიდენტი გროვერ კლივლენდი იქნა არჩეული ორი ვადით („შუალედური შესვენებით“ 1885-1889 და 1893-1897 წლებში). მსგავსი შემთხვევა ჰქონდა რიჩარდ ნიქსონს, რომელმაც 1960 წელს საპრეზიდენტო არჩევნებიც წააგო, გუბერნატორის არჩევნებიც (1962 წელს) და განაცხადა - „მორჩა, მეგობრებო, რიჩარდ ნიქსონს ვეღარსად ვეღარ ნახავთ - იმიტომ, რომ ეს ჩემი ბოლო პრეს-კონფერენციაა“. ჩვენ მისი ნახვა მაინც მოგვიწია 1968 წელს, თეთრ სახლის ოვალურ კაბინეტში. თუ რითი დაასრულა მან თავისი პრეზიდენტობა, გვახსოვს („უოტერგეიტით“), მაგრამ ფაქტია, რომ მისი დაბრუნება იმ დროისათვის ძალზე შთამბეჭდავი იყო.
დონალდ ტრამპმა კი რიჩარდ ნიქსონსაც გადააჭარბა. იგი ფაქტიურად „დამარხული“ იყო საკუთარი რესპუბლიკური პარტიის წევრების მხრიდანაც კი, სხვები კი მოთმინებით ელოდნენ, რომ იგი უბრალოდ გუდა-ნაბადს აიკრავდა და პოლიტიკიდან წავიდოდა. მაგრამ ასე არ მოხდა.
ამერიკელებმა თავისი პოზიცია გამოხატეს: მათ ცვლილებები სურდათ და კიდეც განახორციელეს. დონალდ ტრამპი ვერაფერმა ვერ შეაჩერა - ვერც ბრალდებებმა, ვერც თავდასხმებმა... ყველა მემარცხენე გაზეთი და ტელევიზია აკრიტიკებდა, ემუქრებოდა, აშინებდა, მაგრამ ისინი ყველა „ქაღალდის ვეფხვები“ აღმოჩნდნენ, დონალდ ტრამპმა ყველა „დაიკიდა“. რას იზამენ ახლა ტელეარხების MSNBC-სა და CNN-ის ხელმძღვანელები და მაყურებლები? ვინ აღმოჩნდა მარგინალი - ისინი თუ დონალდ ტრამპი? აღიარებენ თუ არა იმას, რომ არასწორად იქცეოდნენ - როცა ყველას, ვინც დონალდ ტრამპის გვერდით იდგა, გიჟებად და სულელებად თვლიდნენ?
მოკლედ, დონალდ ტრამპი „კონსტანტის“ (მუდმივის) განსახიერებაა: იგი იყო, არის და იქნება.
წყარო: https://thehill.com/opinion/campaign/4975713-donald-trump-greatest-comeback-since-lazarus/
