,
ჯანდაცვის სამინისტრომ აპლიკაციის პრეზენტაცია გამართა, რომელიც მომხმარებლებს შესაძლებლობას აძლევს, გაიგოს, იმყოფებოდა თუ არა კონტაქტში COVID 19-ით ინფიცირებულთან.
სამინისტრომ აპლიკაციასთან დაკავშირებით ხშირად დასმულ კითხვებზე პასუხები მოამზადა.
ვისთვისაა ხელმისაწვდომი აპლიკაცია?
STOP COVID აპლიკაცია ხელმისაწვდომია iOS და ანდროიდის მომხმარებლებისთვის. მისი გადმოწერა შესაძლებელია App Store-იდან და Google Play-დან, სრულიად უფასოდ.
არის თუ არა აპლიკაციის გადმოწერა ნებაყოფლობითი?
აპლიკაციის გადმოწერა ნებაყოფლობითია. უფრო მეტიც, აპლიკაციის მომხმარებელს პირადად აქვს კონტროლი ნებისმიერ ინფორმაციაზე და თავად წყვეტს, რა ტიპის ინფორმაცია გააზიაროს. COVID 19-ის დადასტურების შემთხვევაში, მას შეუძლია თავად გადაწყვიტოს, გააზიარებს თუ არა აღნიშნულ ინფორმაციას. მომხმარებელი პირადად იღებს გადაწყვეტილებას იმის შესახებაც, ვირუსის დადასტურების შემთხვევაში გააზიაროს თუ არა ის ლოკაციები, სადაც ბოლო პერიოდში იმყოფებოდა.
როგორ მუშაობს აპლიკაცია?
აპლიკაცია გადმოწერისას მოგანიჭებთ უნიკალურ ID-ს, რისი მეშვეობითაც სრულიად ანონიმურად განისაზღვრება სოციალური კონტაქტები აპლიკაციის მომხმარებლებს შორის. გარკვეული ხანგრძლივობისა და დისტანციის მქონე კონტაქტის შემთხვევები, დაშიფრული სახით, ინახება ადგილობრივად, ორივე მომხმარებლის სმარტფონის მეხსიერებაში. თუ რომელიმე ადამიანს დაუდასტურდება COVID-19, ის პირები, რომელთაც ბოლო რამდენიმე დღის განმავლობაში კონტაქტი ჰქონდათ აღნიშნულ დადასტურებულ შემთხვევასთან, აპლიკაციის საშუალებით, მიიღებენ გაფრთხილებას, ინსტრუქციით - დარჩნენ თვითიზოლაციაში და დაუყოვნებლივ მიმართონ შესაბამის ორგანოებს.
საჭიროა თუ არა რეგისტრაციისას პირადი ინფორმაციის მითითება?
აპლიკაცია მომხმარებლის რეგისტრაციას არ მოითხოვს. შესაბამისად მომხმარებელი არ უთითებს პირად ინფორმაციას. STOP COVID გადმოწერის შემდეგ მომხმარებელი ეთანხმება მხოლოდ წესებსა და პირობებს და აძლევს აპლიკაციას გარკვეულ სერვისებზე (Bluetooth, GPS,) წვდომის შესაძლებლობას.
რამდენად დაცულია მომხმარებლის პერსონალური მონაცემები?
განსაკუთრებული ყურადღება ეთმობა კონფიდენციალურობასა და პირადი მონაცემების დაცვას. სისტემა განსაკუთრებულ ყურადღებას ანიჭებს პერსონალურ მონაცემთა დაცვის ევროპულ კანონმდებლობასთან თანხვედრას.
რა ხდება როდესაც აპლიკაციის მომხმარებელი აღმოჩნდება COVID 19-ზე დადებითი?
იმ შემთხვევაში, თუ აპლიკაციის მომხმარებელი აღმოჩნდება COVID 19-ზე დადებითი, აღნიშნული პირი თავად იღებს გადაწყვეტილებას გაუზიაროს თუ არა ეს ინფორმაცია აპლიკაციის სხვა მომხმარებლებს. მომხმარებელი ასევე იღებს გადაწყვეტილებას გააზიაროს თუ არა ის ლოკაციები, სადაც ბოლო პერიოდში იმყოფებოდა. ინფორმაციის გაზიარების შემთხვევაში, მომხმარებელი უთითებს მობილურ ნომერს, აღნიშნული საჭიროა იმისთვის, რომ მოხდეს მისი ინფიცირების შესახებ ინფორმაციის დადასტურება. მომხმარებლის ნომერი ან რაიმე სხვა ინფორმაცია საჯარო არ ხდება.
ინფიცირების შესახებ ინფორმაციის გაზიარებისას ხდება თუ არა მომხმარებლის პირადი ინფორმაცია საჯარო?
პირადი ინფორმაციის გაზიარება მომხმარებელს არც ერთ შემთხვევაში არ უწევს. ინფიცირების შესახებ ინფორმაციის გაზიარებისას მის კონტაქტებს მისდით გაფრთხილება, რომ კონტაქტი ქონდათ ინფიცირებულ პირთან, თუმცა აღნიშნული პირის მონაცემები ცნობილი არ ხდება აპლიკაციის სხვა მომხმარებლებისთვის.
როგორ ხდება მომხმარებლის გაფრთხილება?
გაფრთხილებას მიიღებთ იმ შემთხვევაში თუ გადმოწერილი გაქვთ აპლიკაცია და კონტაქტი გქონდათ ინფიცირებულ პირთან, რომელიც ასევე არის აპლიკაციის მომხმარებელი და თავად გადაწყვიტა, რომ ინფიცირების შესახებ ინფორმაცია გაუზიაროს თავის კონტაქტებს. (კონტაქტებისთვის გაფრთხილების დაგზავნამდე ხდება აღნიშნული პირის სტატუსის შესაბამის ბაზაში გადამოწმება).
რა შემთხვევაში თვლის აპლიკაცია პირს „კონტაქტად“?
როდესაც ორი მოწყობილობა ერთმანეთს ხვდება, ისინი ინახავენ მეხსიერებაში ერთმანეთის ID-ის, ინტერაქციის თარიღს, დროს და ადგილმდებარეობას. შესაბამისად კონტაქტად ითვლება პირი იმ შემთხვევაში თუ:
ვის მიერაა შექმნილი აპლიკაცია?
აპლიკაციის შექმნისას გამოყენებულია ავსტრიული პლატფორმა, აგრეთვე სამხრეთ კორეის, იაპონიისა და სინგაპურის გამოცდილება. მოხდა აპლიკაციის სრული ადაპტაცია ქართულ რეალობასა და კანონმდებლობასთან.
რა მოხდება იმ შემთხვევაში თუ შემთხვევით მივუთითე ინფიცირების შესახებ ინფორმაცია, თუმცა არ ვარ ინფიცირებული?
ამ შემთხვევაში ინფიცირების შესახებ შეტყობინება არ დაეგზავნებათ თქვენს კონტაქტებს. ინფიცირების შესახებ ინფორმაციის მითითებისას საჭიროა, რომ შეიყვანოთ თქვენი ნომერი, რისი მეშვეობითაც ხდება ინფორმაციის შესაბამის ბაზაში გადამოწმება. იმ შემთხვევაში თუ ინფიცირებული პირი არ ხართ, თქვენი მონაცემები არ იქნება ბაზაში და არ დაიგზავნება შეტყობინებები. იმისათვის, რომ რომ თქვენს ეკრანზე არ ჩანდეს შეტყობინება იმის შესახებ, რომ ხართ ინფიცირებული, შეგიძლიათ წაშალოთ აპლიკაცია და გადმოწეროთ თავიდან.
ანდროიდის აპლიკაცია ინსტალაციის შემდეგ მოითხოვს წვდომას მიკროფონთან, რატომ?
სხვა ტექნოლოგიებთან ერთად, აპლიკაცია იყენებს Google Nearby ტექნოლოგიას, ორ სმარტფონს შორის მანძილის დასადგენად. ეს სერვისი იყენებს ულტრაბგერით სიხშირის ტალღებს, რისთვისაც ზოგიერთ შემთხვევაში საჭიროა მიკროფონზე წვდომა. მიკროფონის გამოყენება ხდება ულტრაბგერების (ყურისთვის შეუმჩნეველი სიხშირის ტალღა) აღსაქმელად, რათა მოხდეს მოწყობილობებს შორის მანძილის დადგენა. ეს ყველაფერი ხდება Android Nearby-ს ფარგლებში და კონკრეტულ აპლიკაციას არ ანიჭებს შესაძლებლობას ჩაიწეროს ან გადასცეს აუდიო შეტყობინება. ამას გარდა, როდესაც აპლიკაციას დააყენებთ, შეგიძლიათ მართვის პანელიდან შეამოწმოთ, თუ რაზე აქვს აპლიკაციას წვდომა მინიჭებული, მიკროფონი ამ ჩამონათვალში არ არის. ყველა მონაცემი ინახება ექსკლუზიურად თქვენს ტელეფონში. სრული გამჭვირვალობისთვის, საწყისი კოდი ყველასთვის ხელმისაწვდომია Github– ზე: https://github.com/novid20org
აპლიკაციის გადმოწერისას მაქვს შეფერხება
აპლიკაციის გაშვებისა და პრეზენტაციის შემდეგ ძალიან ბევრი მომხმარებელი დარეგისტრირდა. მხოლოდ 15 წუთში 18 000 პირი, რამაც შესაბამისად გამოიწვია სერვერის გადატვირთვა. თუმცა ხარვეზი უკვე გამოსწორებულია და თუ ჯერ არ გადმოგიწერიათ აპლიკაცია, შეგიძლიათ კვლავ სცადოთ.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
