,
“ჩირინას” დამფუძნებელმა, რევაზ ვაშაკიძემ BMG-ის ეთერში რუსეთისკენ მიმავალი სატრანზიტო ტვირთების შესახებ ისაუბრა. მისი განცხადებით, საქართველომ ამ მიმართულებით შეზღუდვები უნდა გატაროს, რაადგანაც არსებობს რისკი სხვადასხვა პირებმა სხვა სატრანზიტო ტვირთებს შორის სანქცირებული საქონელიც გაიტანონ რუსეთში.
რევაზ ვაშაკიძე ამბობს, რომ ამ საკითხზე საქართველოს ხელისუფლებამ ევროკავშირთან მჭიდრო კომუნიკაციით უნდა მიიღოს გადაწყვეტილებები.
“დაახლოებით მარტყოფიდან რუსეთის საზღვრამდე რიგებია მანქანების, რომლებიც მიდიან რუსეთში. რა მიაქვს ამ ხალხს? იქ არის სომხეთის მანქანები, არის აზერბაიჯანის, თურქეთის, ირანის მანქანები და ისინი ტრანზიტულად გადიან. ევროპულმა ქვეყნებმა ეს უკვე დიდი ხანია აკრძალეს და შესაბამისად ტრანზიტი არ უნდა მოხდეს კონტროლის გარეშე. ფაქტიურად ჩვენ ხელს ვუწყობთ ამ მანქანებს გადაადგილებაზე, რომ რუსეთში შეიტანონ ყველაფერი.
ამას ვერავინ გააკონტროლებს ამხელა მანქანებს, რომლებიც რიგებში დგანან რა უდევთ, რატომ მოდის მაგალითად აზერბაიჯანიდან მანქანა საქართველოში?
საქართველომ უნდა შეიტანოს ის ნივთები, რომლებიც წარმოებულია საქართველოში. ასეთივე შეგვიძლია მოვთხოვოთ სომხეთს, რომ შეიტანონ ის პროდუქცია, რომელიც წარმოებულია სომხეთში. აზერბაიჯანმა შეიტანოს ის ნივთები, რომლებიც წარმოებულია აზერბაიჯანში. აზერბაიჯანს თავისი საზღვარიც აქვს რუსეთთან და საქართველოში რატომ შემოდიან ტვირთები აზერბაიჯანიდან რუსეთის მიმართულებით?
თურქეთს კი აქვს შესაძლებლობა, რომ ზღვის მეშვეობით შეიტანონ თავადაც რუსეთში საქონელი და ამაში საქართველოს გარევა არაა საჭირო.
მე მოვითხოვდი, რომ ეს საკითხები განხილული იყოს ევროკავშირთან და მათთან ერთად გადავწყვიტოთ როგორ ვიმოქმედოთ,”- აცხადებს ვაშაკიძე.
საქართველოს ტერიტორიაზე გატარებული ტვირთებიდან (ტრაილერებიდან) საქართველო გზათსარებლობის შემოსავალს იღებს, რაც ერთ სატვირთო მანქანაზე 200 ლარს შეადგენს. 2022 წლის პირველ კვარტალში ქვეყანამ სულ 82,000 სატრანზიტო ტრაილერი გაატარა, რაც წინა წელთან შედარებით 22%-ით მეტია.
ინტერვიუ ბიზნესმენ რევაზ ვაშაკიძესთან:
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
