,
.jpg)
„რესპუბლიკელმა“ კონგრესმენმა, ტომას მასიმ წარმომადგენელთა პალატაში კანონპროექტი წარადგინა, რომელიც აშშ-ს ნატო-დან გასვლას ითვალისწინებს, - ამის შესახებ ინფორმაციას კონგრესმენის პრესსამსახური ავრცელებს.
„ნატო ცივი ომის გადმონაშთია. ნატო-დან უნდა გამოვიდეთ და ეს თანხა ჩვენი ქვეყნის დასაცავად უნდა გამოვიყენოთ და არა სოციალისტური ქვეყნების. ნატო საბჭოთა კავშირისთვის წინააღმდეგობის გასაწევად შეიქმნა, რომელიც ოცდაათ წელზე მეტია რაც დაიშალა. ამის შემდეგ აშშ-ის ჩართულობა გადასახადების გადამხდელებს ტრილიონობით დოლარი უჯდებათ და აშშ უცხოურ ომებში ჩართვას რისკავს. ჩვენი კონსტიტუცია მუდმივ უცხოურ კავშირებში ჩართვას არ ითვალისწინებს და ამის შესახებ დამფუძნებელი მამები გვაფრთხილებდნენ“, - განაცხადა მასიმ.
კანონპროექტი, სახელწოდებით „ნატო-ს აქტი“, აშშ-ის პრეზიდენტს ავალდებულებს, რომ ჩრდილოატლანტიკური ხელშეკრულების მე-13 მუხლის თანახმად ნატო-ს აშშ-ის გასვლის შესახებ ოფიციალურად აცნობოს.
კანონპროექტის თანახმად, „ნატო-ს ცივი ომის დროინდელი თავდაპირველი მიზანი აშშ-ის ამჟამინდელ ეროვნული უსაფრთხოების ინტერესებს აღარ შეესაბამება“.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
