USD
EUR
RUB
თბილისი
რას გვპირდება 23 ნოემბერი? - ასტროლოგიური პროგნოზი
თარიღი : 11.22.2022 23:21  92

რას გვირჩევენ ვარსკვლავები 23 ნოემბრისთვის ?

 

ვერძი

გირჩევთ, რთული და არახელსაყრელი დღისთვის მოემზადოთ. პრობლემას არა გარე ფაქტორები, არამედ თქვენი შინაგანი მდგომარეობა გიქმნით. ამ დღეს ყოველი წვრილმანი გაგაღიზიანებთ, მაგრამ ეცადეთ, თავი ცოტათი მაინც აკონტროლოთ , რომ საყვარელი ადამიანები არ გაანაწყენოთ.

კურო

მთელი დღე დაძაბულობაში ჩაივლის და საღამოს თავს ძალაგამოცლილად იგრძნობთ. ამ დღეს თქვენგან გმირობას არავინ ელის, ამიტომ რთული დავალებების აღებას მოერიდეთ და კარგად ნაცნობ საქმეებს დასჯერდით.

ტყუპები

გარშემო მყოფების მიმართ იმაზე თავაზიანი უნდა იყოთ, ვიდრე ოდესმე. თქვენი განწყობის ცვალებადობა სხვებსაც აღიზიანებს და თქვენც გვნებთ. სანამ ვინმეს რამეს ეტყვით, დაფიქრდით, ეტყოდით თუ არა ამას საკუთარ თავს.

კირჩხიბი

ამ დღეს გარშემო მყოფები თქვენგან განსაკუთრებულ ზრუნვას და ყურადღებას ელიან. შესაძლოა, ვიღაცას თქვენი პირდაპირი დახმარებაც კი დასჭირდეს. ეს სიკეთე ბუმერანგივით დაგიბრუნდებათ. შეიძლება მაშინვე არა, მაგრამ ოდესმე აუცილებლად..

ლომი

ლომებს შეიძლება თავზე კრიტიკის ქარ-ცეცხლი დაატყდეთ, თუმცა ეს უსამართლო კრიტიკა იქნება. ვარსკვლავები გირჩევენ, რომ შურიანი ადამიანების სიტყვებს ნაკლები ყურადღება მიაქციოთ და ბოროტებას ბოროტებით არ უპასუხოთ. ეცადეთ, თვალში არავის მოხვდეთ და თქვენ მიმართ კრიტიკა აუცილებლად იკლებს.

ქალწული

სავარაუდოდ, რაღაც გამოგრჩათ ან ვერ შენიშნეთ, თუმცა თქვენთვის დაგებულ მახეში, ადრე თუ გვიან, თქვენი მტრები გაებმებიან. ენდეთ საკუთარ ინტუიციას და ის გიკარნახებთ, ვინ ვინ არის თქვენს გარემოცვაში.

სასწორი

უახლოეს დღეებში თქვენი მოქმედებები განსაკუთრებულად ფრთხილი და ზუსტი იქნება. თუ საქმიან ქაღალდებთან გიწევთ მუშაობა, ურთულესი დოკუმენტების გაგებას და „მოთვინიერებას“ შეძლებთ.

მორიელი

ამ დღეს წინა პლანზე საკუთარ თავს დააყენებთ. ეს არც კარგია და არც ცუდი. უბრალოდ, დროა, საკუთარ ინტერესებზეც იფიქროთ. თუ ვინმემ ეგოიზმში დაგადანაშაულათ, ყურადღება არ მიაქციოთ. ეცადეთ, მხოლოდ საკუთარ თავს უსმინეთ.

მშვილდოსანი

ვარსკვლავები გირჩევენ, რომ ოჯახის წევრებს მეტი ყურადღება მიაქციოთ. შეიძლება ამ დღისთვის მნიშვნელოვანი გეგმები გაქვთ, მაგრამ ეცადეთ ყველა საქმე დილას დაასრულოთ და დღის მეორე ნახევარი საყვარელ ადამიანებთან ერთად გაატაროთ.

თხის რქა

იმედები და ოცნებები, რა თქმა უნდა, კარგია, მაგრამ შეეგუეთ იმ აზრს, რომ ყველა ოცნებას ასრულება არ უწერია. ეცადეთ, მთელი ენერგია იმ საქმეებში ჩადოთ, რომლებსაც საუკეთესოდ აკეთებთ. მეტი ყურადღება მიაქციეთ პარტნიორს, რომელიც თქვენი გულგრილობისგან დაიღალა.

მერწყული

ახალი იდეებისა და ექსპერიმენტებისთვის არახელსაყრელი დღეა, ამიტომ მხოლოდ კარგად ნაცნობ ბილიკებზე უნდა იაროთ. თუ ექსპერიმენტის ჩატარებას მაინც გაბედავთ, შეეგუეთ, რომ დიდი შანსია, ეს თქვენი კარიერისთვის ცუდად დასრულდეს. არახელსაყრელი დღეა შემოქმედებითი საქმიანობისთვის.

თევზები

თევზებო, ამ დღეს არავის არაფერი ურჩიოთ! როგორი კეთილი განზრახვაც არ უნდა გამოძრავებდეთ, გარშემო მყოფები ამას მტრულად მიიღებენ, ამიტომ დაივიწყეთ ქველმოქმედება და მხოლოდ საკუთარ თავზე იზრუნეთ.

სხვა
"თაგვების სამოთხე" - ექსპერიმენტი "Universe 25"

ეს არის ერთ-ერთი ყველაზე საშინელი ექსპერიმენტი მეცნიერების ისტორიაში, თაგვების მონაწილეობით.

ეს იყო მეცნიერთა მიერ, ადამიანთა საზოგადოების ქცევის ახსნა, თაგვების მეშვეობით. იდეის ავტორი არის ამერიკელი მეცნიერი, ჯონ კალჰუნი, რომელმაც შექმნა "თაგვების სამოთხე", სადაც ათასობით თაგვი ცხოვრობდა.

ჯონმა შექმნა სპეციალური სივრცე, სადაც თაგვებს ჰქონდათ უამრავი საკვები და წყალი, ასევე დიდი სივცრე საცხოვრებლად.

თავდაპირველად, მან 4 წყვილი თაგვით დაიწყო, რომლებმაც გამრავლება დაიწყეს, მათი პოლულაცია მნიშვნელოვნად გაიზარდა, თუნცა 315 დღის შემდექ, მათი რეპროფუქცია შემცირდა.

როდესაც თაგვთა რაოდენობამ 600 ინდივიდს მიაღწია, მათ შორის ჩამოყალიბდა იერარქია ე.წ . "უბედურთა" კლასი. დიდმა ინდივიდებმა დაიწყეს მცირე ჯგუფებზე შეტევა, რის გამოც ბევრი მამრი ფსიქოლოგიურად განადგურდა, შედეგად მდედრებმა დაიწყეს თავის დაცვა, გახდნენ აგრესიულები შთამომავლობის მიმართ.

დროთა განმავლოვაში, მდედრებმა დაიწყეს უფრო აგრესიული ქცევის გამოვლინება. დაფიქსირდა შობადობის ნაკლები შედეგიანობა და სიკვდილოანობის ზრდა ახალგაზრდებში. შედეგად ჩამოყალიბდა ახალი კლასი, ე.წ. "ლამაზი თაგვები", მათ აღარ აინტერესებდან მდედრებთან შეწყვილება, მხოლოდ ჭამა და ძილი ადარდებთათ.

ერთი პერიოდი, კოლონიის უმეტესობას, "ლამაზი მამრები" და "იზოლირებული მდედრები" წარმოადგენდნენ. პატარების სიკვდილიანობამ 100% მიაღწია და რეპროდუქციამ ნულს მიაღწია. გადაშენების პირას მყოფ მამრებს შორის შეინიშნებოდა ჰომოსექსუალობის და კანიბალიზმის შემთხვევები მიუხედავად საკვების სიუხვისა. კოლონიის დაყებიდან 2 წლის შემდეგ, კოლონიას უკანასკნელი ახალშობილი ჰყავდა.

1973 წელს, უკანასკნელი თაგვი მოკვდა "universe 25" -ის ექსპერიმენტიდან. ჯონ კალჰუნმა, იგივე ექსპერიმენდი , 25 ჯერ გაიმეორა და ყველა ჯერზე ერთი და იგივე შედეგი მიიღო.
კალჰუნის სამეცნიერო ნაშრომი გამოყენებულია, როგორც სოციალური კოლაფსის მოდელი და ემსახურება ურბანული სოციოლოგიის შესწავლას.

 

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.