USD
EUR
RUB
თბილისი
რამდენი ადამიანია დასაქმებული საჯარო სექტორში?
თარიღი : 10.12.2021 12:09  548
2022 წლის ბიუჯეტის პროექტის მიხედვით სახელმწიფო 112,712 ადამიანს ასაქმებს და მათ ხელფასებზე 2022 წელს 1.65 მილიარდი ლარის დახარჯვა იგეგმება, თუმცა სინამდვილეში როგორც სახელმწიფო სექტორში დასაქმებულთა რაოდენობა, ასევე მათი მთლიანი სახელფასო ფონდის მოცულობა გაცილებით უფრო დიდია.
 
ბიუჯეტის პროექტი არ შეიცავს დეტალურ ინფორმაციას თუ რამდენი ათასი ადამიანი არის დასაქმებული სხვადასხვა სამინისტროს დაქვემდებარებულ თითოეულ სსიპ-სა და აიპ-ში, ასევე მათ საქვეუწყებო ორგანიზაციებში. ასევე არ შედის ინფორმაცია სრულად რამდენი ადამიანი მუშაობს მუნიციპალურ ორგანოებში და მათ მიერ დაფუძნებულ სსიპ-ებსა და აიპ-ებში.
 
საჯარო სექტორში მომუშავეთა რაოდენობაზე ბევრად უფრო დეტალური სტატისტიკა აქვს საქსტატს, რომლის ანგარიშის მიხედვითაც, სახელმწიფო სექტორი 2020 წლის მდგომარეობით 294,700 ადამიანს ასაქმებდა. ამაზე კიდევ უფრო სრული სტატისტიკა აქვს საპენსიო ფონდს, რომელიც სისტემაში მონაწილეებს საჯარო და კერძო სექტორებად ყოფს. ორგანიზაციის თანახმად, საჯარო სექტორს განეკუთვნება 301,892 დასაქმებული, საიდანაც 259,293 საჯარო მოსამსახურე კვლავ მონაწილეობს საპენსიო სისტემაში, ხოლო 42,599-მა საჯარო მოსამსახურემ საპენსიო სისტემა დატოვა.
 
შესაბამისად, საქართველოს სახელმწიფო სექტორი სინამდვილეში 302,000 ადამიანს ასაქმებს, თუმცა ამ 302,000 ადამიანის გარდა, სახელმწიფო სექტორი კიდევ უფრო მეტ ადამიანს ასაქმებს. საქმე იმაშია, რომ სხვადასხვა სამინისტროს თუ მუნიციპალურ ორგანოს არაერთი სახელმწიფო საწარმო ეკუთვნის, ხოლო ამ შპს-ებში დასაქმებულთა რაოდენობა ფინანსთა სამინისტროს ანგარიშის თანახმად, 50,000-ს აღემატება.
სხვა
3 თვეში საქართველოში $25.7 ათასის ორგანოების იმპორტი განხორციელდა

მიმდინარე წლის 3 თვეში საქართველომ 25.7 ათასი დოლარის ღირებულების ორგანოთერაპიისთვის განკუთვნილი ჯირკვლები და სხვა ორგანოების იმპორტი განახორციელა. 2022 წლის დასაწყისში ქვეყანაში შემოტანილი ორგანოების მოცულობა გასული 4 წლის ანალოგიური პერიოდების იმპორტს აღემატება.

ოფიციალური სტატისტიკით ორგანოთერაპიისთვის შემოტანილი ამ დასახელების საქონლის მოცულობა იანვარ-მარტში 0.13 ტონა იყო.

რაც შეეხება ორგანოების იმპორტის წლიურ მონაცემებსა და იმ ქვეყნებს, სადაც საქართველო საქონელს ყიდულობს, საქსტატის მიხედვით, ბოლო ათი წლის განმავლობაში იმპორტის ყველაზე მაღალი მაჩვენებელი 2012 წელს გვქონდა (183 ათასი დოლარი, 0.74 ტონა). აღსანიშნია, რომ პანდემიის დაწყების პირველ წელს საქართველოდან 0.23 ტონა ორგანოების შესაძენად 155 ათასი დოლარი გავიდა. გასულ წელს კი 0.44 ტონა იმპორტირებული საქონლის ღირებულებამ 89.9 ათასი დოლარი შეადგინა.

ოფიციალური სტატისტიკიდან ჩანს, რომ ორგანოთერაპიისთვის განკუთვნილი ჯირკვლებისა და სხვა ორგანოების ყველაზე დიდი მომწოდებელი საქართველოსთვის აშშ-ია - 77.9 ათასი დოლარი, მას მოსდევს გაერთიანებული სამეფო - 3.8 ათასი დოლარი, ჰონ-კონგი - 3.3 ათასი დოლარი, გერმანია - 2.1 ათასი დოლარი, ავსტრალია - 0.9 ათასი დოლარით. საიმპორტო ქვეყნებს შორისაა: კანადა, იტალია, ახალი ზელანდია, ისრაელი, ბელგია და შვეიცარია.

წყარო:https://bm.ge/

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.