,
[11.04.2024] - საბრძოლო მოქმედებების შეჯამება უკრაინაში:
- დონეცკის ოლქში, ქალაქი დონეცკის დასავლეთით, რუსებმა დაიკავეს დასახლება პერვომაისკე. უკრაინელებმა კონტრიერიშის მისი ნაწილის დაბრუნება შეძლეს. ძალიან აქტიური საბრძოლო მოქმედებები მიმდინარეობს არამხოლოდ დასახლებაში, არამედ მის შემოგარენში. - დონეცკის ოლქში, მარიინკას სამხრეთით, ნოვომიხაილივკასთან მაღალინტენსიური ბრძოლები გრძელდება. რუსები დასახლების შტურმს აგრძელებენ თუმცა იმ მასშტაბის დანაკარგების ფონზე, რომელიც 2022 წლის შემდეგ ბევრი აღარ ყოფილა. ბოლო 10 დღეა დონეცკის ოლქი, ქალაქი დონეკიცს შემოგარენი ყველაზე აქტიურ საომარ ზონადაა ქცეული.
- რუსები განუწყვეტლივ ბომბავენ ქალაქ ხარკოვს / ხარკივს. ჰუმანიტარული სიტუაცია ძალიან მძიმეა. უკრაინელებმა რუსეთის საზღვრის გამაგრება დაიწყეს. არ გამორიცხავენ იერიშის დაწყებას უშუალოდ ხარკოვის მიმართულებით. თავად რუსი პროპაგანდისტები ღიად აცხადებენ, რომ უკრაინის დამარცხება ხარკოვის დაბომბვაზე და მის სრულ განადგურებაზე გადის, რასაც ჯერ ქალაქის და შემდეგ მთელი ოლქის დანებება უნდა მოჰყვესო. უკრაინელებს კარგად აქვთ ქალაქი გამაგრებული.
- რთული სიტუაციაა ბახმუტის დასავლეთით, ჩასივ იარისაკენაც. რუსები ბოლო ორი კვირაა ტალღებად უტევენ დასახლების შემოგარენს. თუმცა მიუხედავად დიდი მსხვერპლისა და ტექნიკის განადგურებისა ქალაქი და მისი შემოგარენი უკრაინელთა ხელშია. ჩასივ იარის გამაგრება ჯერ კიდევ 2023 წლის აპრილ-მაისში განხორციელდა. შესაბამისად ქალაქში შეღწევა და მისი აღება რუსეთისათვის ძალიან რთულ ამოცანას წარმოადგენს. ჩასივ იარი შემაღლებულზეა და იქიდან ბახმუტის პოზიციები კარგად ჩანს.
- კიევში რუსებმა ტრიპოლის თბოელექტროსადგური დაბომბეს, რითაც მნიშვნელოვანი დარტყმა მიაყენეს უკრაინის ენერგოინფრასტრუქტურას.
- უკრაინელებმა რუსული პოზიციები და იარაღის საწყობი დაბომბეს ავდიივკაში, ინდუსტრიული ზონის მიმართულებით. ავდიივკას გამოყენებას რუსები შემდგომ პლაცდარმად აპირებენ რის გამოც ქალაქის დაუსახლებენ ნაწილში იარაღის საწყობებს ქმნიან. უკრაინელთა ნებისმიერი ასეთი იერიში წარმატებული პრევენციაა.
- უკრაინული დრონები შვეულმფრენებზეც ნადირობენ. შავ ზღვაში ჩამოგდებულ იქნა Ka-27 რუსული მოიერიშე შვეულმფრენი.
- უკრაინელებმა დრონებით ან დაუდგენელი ტიპის რაკეტებით იერიში მიიტანეს რუსების ინდუსტრიულ ზონაზე ჟელეზნოგორსკში, კურსკის ოლქში. - უკრაინული დრონები აგრძელებენ რუსული ნავთობგადამამუშავებელი ქარხნებისა და ტერმინალებს დაბომბვას საზღვრიდან 900-1000 კილომეტრის მოშორებითაც კი. რეალურად, უკრაინული დრონები რუსეთის ევროპულ ნაწილს მეტწილად ფარავენ.
- რუსეთში, მდინარე ურალზე, ყაზახეთის საზღვრისაკენ რამდენიმე კაშხალი გასკდა. ორენბურგისა და კურგანის ოლქების ნაწილი თავისი ქალაქებიანად წყალმა დაფარა. ევაკუაცია არ მხოლოდ დაგვიანებით განხორციელდა. ქალაქი ორსკის კატასტროფულ მდგომარეობაშია ხოლო წყლის დონე კვლავინდებურად ზემოთ იწევს. კაშხლების გასკდომამდე დაზიანება რამდენიმე დღით ადრე იქნა შემჩნეული. ადგილობრივმა მოსახლეობამ და ხელისუფლებამ ნაცვლად ღონისძიების გატარებისა მღვდელი მიიყვანეს კაშხალთან და ალოცინეს.
- რუსეთში, სმოლენსკში, ბელარუსისაკენ მიმავალი პენინსკის ხიდი ჩაინგრა. დაზიანებულია როგორც საგზაო ისე სარკინიგზო ინფრასტრუქტურა. რუსი პროპაგანდისტები დივერსიაზე საუბრობენ.
- უკრაინელები მთელი ფრონტის ხაზის ირგვლივ თავდაცვითი ზღუდეების მშენებლობის დასკვნით ეტაპზე არიან გადასული. მოსალოდნელია, რომ პრაქტიკულად, 2024 წელი აქტიური თავდაცვის რეჟიმში ყოფნა იქნება დღის წესრიგში თუკი რაიმე უეცარი ცვლილება არ განხორციელდა.
- რუსეთი ჩქარობს, აშშ-ში შექმნილი პოლიტიკური კრიზისის გამოყენება მისი სასიცოცხლო ინტერესია. კრემლი წელს უკრაინის წინააღმდეგ მაქსიმალურ დაწოლას შეეცდება. ძველი ტექნიკის კანიბალიზაციისა და ახლის შექმნის ფონზე როგორც დათვალეს რუსეთს ტექნიკა კიდევ 18 თვე ეყოფა (თუ 2022 წლის მასიური დანაკარგები არ განმეორდა). ამ ფონზე რუსეთი ფიქრობს, რომ უკრაინის იარაღის დეფიციტის ფონზე 18 თვეში წარმატებას მიაღწევს.
- ევროპარლამენტმა ევროსაბჭოს ბიუჯეტის მიღება დაბლოკა მანამ, სანამ უკრაინის შეიარაღება არ მოხდება ევროკავშირის მიერ. რეალურად, ევროპარლამენტი ძალიან აქტიურობს უკრაინის მხარდაჭერის მხრივ. ამასთან, ევროკავშირის სახელმწიფოები სწრაფად ცდილობენ იარაღის აქტიურ წარმოებაზე გადავიდნენ და დააბალანსონ აშშ-ს ფონზე შექმნილი დეფიციტი.
- აშშ-ში კრიზისი გრძელდება. არამხოლოდ ქვეყანაშია პოლიტიკური დაძაბულობა, არამედ რესპუბლიკურ და დემოკრატიულ პარტიებშიც. რესპუბლიკელების შიგნით ტრამპის მომხრეთა და მოწინააღმდეგეთა შორის დაპირისპირებაა. კონფლიქტის საგანი უკრაინაცაა. დემოკრატიულ პარტიაში კი ისრაელისადმი მხარდაჭერაზეა კონფრონტაცია.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
