,
ლუქსემბურგის ეროვნული ნაკრების დამარცხების შემდეგ საქართველოს ფინალური დაპირისპირება საბერძნეთის ნაკრების წინააღმდეგ ელის, გამარჯვებული კი ევრო 2024-ის საგზურს მიიღებს.
უეფას ევროპის ჩემპიონატზე მონაწილე თითოეული ნაკრებისთვის 9,25 მილიონი ევრო აქვს გამოყოფილი; ეს არის ის თანხა, რასაც საქართველო საბერძნეთის დამარცხების შემთხვევაში გამოიმუშავებს.
უშუალოდ ევროპის ჩემპიონატზე თითოეული გამარჯვებისთვის უეფა 1,5 მილიონ ევროს იხდის, ხოლო ფრის შემთხვევაში ნაკრებს 750 ათასი ევრო ერგება.
რაც შეეხება ფინალურ სტადიას მერვედფინალში გასვლა 2 მილიონ ევროდ ფასდება, მეოთხედფინალურ სტადიაზე მოხვედრა 3,25 მილიონით, ნახევარფინალურ ეტაპზე უეფა 7 მილიონ ევროს იხდის, ფინალში გასვლისთვის გუნდები 7 მილიონ ევროს მიიღებენ, ხოლო ტურნირის გამარჯვებისთვის 10 მილიონია გამოყოფილი. მთლიანად ტურნირის საპრიზო ფონდი კი 371 მილიონ ევროს შეადგენს.
ევროპის ჩემპიონატი გერმანიაში 14 ივნისიდან 14 ივლისამდე გაიმართება, ფინალი კი ბერლინის “ოლიმპიაშტადიონზე” შედგება.
შეგახსენებთ, რომ უეფას ერთა ლიგის ფინალში საქართველოს მეტოქე საბერძნეთის ეროვნული ნაკრები იქნება, თამაში კი “დინამო არენაზე”, 26 მარტს, 21:00 საათზე შედგება.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
