USD 2.8362
EUR 2.9687
RUB 3.1240
თბილისი
რა მდგომარეობაა ამ დროისთვის ვენესუელაში - გიორგი კობერიძე
თარიღი:  1920
ვენესუელაში გაყალბებული არჩევნების შემდეგ იმ პრო-რუსული და პრო-ჩინური დიქტატორული რეჟიმის დემონტაჟი მიმდინარეობს, რომელმაც აფხაზეთი და ცხინვალის რეგიონის ოკუპაციასა და "დამოუკიდებლობას" დაუჭირა მხარი.
ვენესუელას მსოფლიოში ყველაზე მეტი ნავთობრეზერვი აქვს. მაგრამ ქვეყანას კომუნისტი დიქტატორი ნიკოლას მადურო მართავს, რომელიც აგრეთვე კომუნისტ ჰუგო ჩავესის გამგრძელებელია. მათი რეჟიმი კერძო საკუთრების დევნასა და კორუფციასთან ერთად ხალხის მიზანმიმართულ გაღარიბებაზე ორიენტირება იყო, რადგან დიქტატორებს სჯერათ, რომ რაც უფრო ღარიბია ხალხი, მით უფრო ადვილად შეიძლება მართო ის.
ვენესუელას საშუალო ხელფასი 350 ლარია. ქვეყნის, რომელიც მეოცე საუკუნეში მსოფლიოს მდიდარ ქვეყანათა ათეულში შედიოდა. ახლა კი ქვეყნიდან 6-დან 8 მილიონამდე ადამიანი გაქცეული დევნილობაში, რადგან ქვეყანაში არც საჭმელია და არც სასმელი.
ჰუგო ჩავესმა და ნიკოლას მადურომ სპეციალური პარამილიტარისტული დანაყოფები შექმნეს, რომელთაც დიდ ფულს უხდიან და ხალხს ესვრიან ხოლმე. ბოლო ორი დღეა აქტიური შეტაკებები მიმდინარეობს დედაქალაქ კარაკასში: შეუიარაღებელ დემონსტრანტებს მადუროს ბანდები ესვრიან. გაბრაზებულმა დემონსტრანტებმა წინა კომუნისტი დიქტატორის, ჰუგო ჩავესის ძეგლები უკვე ჩამოაგდო და ცეცხლი წაუკიდა.
აშშ-მ ღიად დაუჭირა მხარი დემონსტრანტებს. როგორც რესპუბლიკელებმა ისე დემოკრატებმა. დიქტატორმა ნიკოლას მადურომ "ტვიტერის" მფლობელი ილონ მასკი ქვეყნის მტრად გამოაცხადა, მას შემდეგ რაც მასკმა კომუნიზმის დამხობას მხარი დაუჭირა. ჯერ კიდევ მე-19 საუკუნის აშშ-ს მონროს დოქტრინის მიხედვით ამერიკის კონტინენტი (სამხრეთი და ჩრდილოეთი) აშშ-ს საკუთარი უსაფრთხოების გარანტიის სფეროდ აქვს მოაზრებული. შესაბამისად, ვენესუელაში რუსული და ჩინური ძალების აღმოჩენა ვაშინგტონის პოზიციისათვის საფრთხის შემცველია.
მადუროს წინააღმდეგ გამოვიდა არგენტინის პრეზიდენტიც.
ჩინეთი და რუსეთი უდგას მადუროს გვერდში და არჩევნებში გამარჯვებასაც ულოცავს.
ვიმედოვნოთ რომ მადუროს რეჟიმი ჩამოვარდება და ახალი მთავრობა აფხაზეთისა და ცხინვალის "აღიარებას" და საქართველოს მტრობას უკან გაიწვევს.
სურათზე - ვინ უჭერს მადუროს მხარს და ვინ ეწინააღმდეგება მის მიერ გაყალბებული არჩევნების შედეგების აღიარებას.
სპორტი
ოლიმპიური კომიტეტების პრეზიდენტი - მადლობა საქართველო! თქვენ ამ ოლიმპიადით თამასა ისე მაღლა ასწიეთ, რომ მომდევნო ქვეყნისთვის რთული იქნება ფესტივალის ასე კარგად ჩატარება

„თქვენ ამ ოლიმპიადით თამასა ისე მაღლა ასწია, რომ რუმინეთისთვის რთული იქნება ფესტივალის ასე კარგად ჩატარება“, – ამის შესახებ ევროპის ოლიმპიური კომიტეტების პრეზიდენტმა, სპიროს კაპრალოსმა განაცხადა და „ბაკურიანი 2025“ შეაჯამა.

კაპრალოსმა ოლიმპიადის შეფასება მადლიერების გამოხატვით დაიწყო და ფესტივალის წარმატებულად ჩატარებაში ორგანიზატორების როლი ხაზგასმით აღნიშნა.

„ძალიან ბედნიერები და იღბლიანები ვართ, რომ გვყავს მამუკა ხაბარელი და სხვა ორგანიზატორები, მოხალისეები, ვინც ფესტივალის ყველა მონაწილის ცხოვრება გაალამაზა. ჩვენ საქართველოში გავატარეთ მთელი კვირა, 7 შთამბეჭდავი დღე და ბედნიერები ვართ - ჩვენ, დელეგაციები, რომ ასეთი ფანტასტიკური შეჯიბრებები ჩატარდა. სრულყოფილი პირობები იყო შექმნილი – ეს არის, რისი თქმაც შემიძლია. თქვენ ამ ოლიმპიადით თამასა ისე მაღლა ასწიეთ, რომ რუმინეთისთვის რთული იქნება ფესტივალის ასე კარგად ჩატარება!“ - განაცხადა ევროპის ოლიმპიური კომიტეტების პრეზიდენტმა.

„ბაკურიანი 2025“ 9 თებერვალს გაიხსნა. 16 თებერვალს გამართულ ოფიციალური დახურვის ცერემონიაზე, დროშა მომავალ მასპინძელ ქვეყანას – რუმინეთს გადაეცა. ევროპის ახალგაზრდული ოლიმპიური ფესტივალი 2027 წელს, ქალაქ ბრაშოვში ჩატარდება.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.