USD 2.7585
EUR 2.9910
RUB 3.0337
თბილისი
რა მდგომარეობაა ამ დროისთვის უკრაინაში
თარიღი:  166
2023 წლის 29 მარტის შეჯამება უკრაინაში:
- გამთენიიდან ინტენსიურად იბომბება ოკუპირებული მელიტოპოლის მისადგომები ზაპორიჟიას ოლქში. უკრაინული რაკეტები აეროპორტისა და მის მომიჯნავე ტერიტორიაზე ჩამოცვივდა. დაბომბვა საკმაოდ ინტენსიურ და რამდენჯერმე განმეორებად ხასიათს ატარებდა. აშკარაა რომ მნიშვნელოვანი სამიზნე იქნა მიზანში ამოღებული.
- რუსები კოლონებად მიემართებიან მარიუპოლიდან მეილტოპოლის მიმართულებით. უკრაინული არტილერია რუსების მომარაგების ხაზებს ურტყამს. აშკარაა რომ რუსები ზაპორიჟიას ოკუპირებული ტერიტორიების დაცვაზე მაქსიმალურ ფსონს დებენ.
- ხერსონის ოლქში, კუპირებულ ტერიტორიაზე რუსული თავდაცვის ხაზის ერთ-ერთი ცენტრი ოლეშკიზე გადის. დღესაც, წინა დღეების მსგავსად უკრაინულმა არტილერიამ რუსულ პოზიციებზე მიიტანა იერიში. თუმცა ამჯერად სარაკეტო დარტყმების სიხშირე წინანდელზე მძლავრი იყო. იმ ფონზე, რომ რუსები სწორედ ხერსონის ოლქის მიმართულებით უკრაინელთა მხრიდან მდინარე დნეპრის მასშტაბურ გადალახვას არ გამორიცხავენ ამიტომაცაა, რომ იძულებულები არიან პოზიციის შენარჩუნებაზე გააკეთონ აქცენტი. ეს კი უკრაინული არტილერიისათვის ეფექტურ სამიზნეს წარმოადგენს.
- სიტუაცია კრიტიკულია დონეცკის ოლქში, ბახმუტის მიმართულებით. საბრძოლო მოქმედებები უკვე ქალაქის ცენტრის მომიჯნავე მიკრორაიონებში მიმდინარეობს, თუმცა, ქალაქის მნიშვნელოვან ნაწილში რუსულ ტექნიკას გადაადგილება უჭირს - უკრაინულ ჩასაფრებებში ყვებიან. ამასთან, დღეს ქალაქის სიახლოვეს უკრაინელებმა რუსული საფრონტო ბომბდამშენი სუ-24 ჩამოაგდეს.
- უკრაინელთა მაღალინტენსიური იერიშები მიმდინარეობს რუსეთში, ბელგოროდის ოლქში. თავად რუსული ცნობით ძალიან მძიმე სიტუაციაა დასახლება ჩერემოშნოიეს სიახლოვეს. დაიბომბა ქალაქი ბელგოროდის მომიჯნავე ტერიტორიაც. ერთ-ერთი ვერსიით აფეთქებულია გაზსადენიც. თუმცა რა ვითარებაში მოხდა ეს უცნობია. ბოლო 24 საათია განმეორებითად ირთვება საჰაერო სირენები საოლქო დედაქალაქში. ფონტისპირა ტერიტორია სანგრებითაა დაფარული და ტანკსაწინააღმდეგო თხრილებია მოწყობილი. იგივე სიტუაციაა კურსკის ოლქშიც. როგორც ჩანს რუსეთში სერიოზულად ეკიდებიან უკრაინელთა ჰიპოთეტურ შეტევას რუსეთის ტერიტორიაზე, თუმცა ამ ეტაპზე ამის შანსი მართლაც მინიმალურია.
- უკრაინულმა სარაკეტო შეტევა მიიტანეს ყირიმზე, ჰვარდისკიეს აეროდრომის წინააღმდეგ. იმ რეალობიდან გამომდინარე, რომ ტერიტორია ფრონტის ხაზიდან დაახლოებით 200 კილომეტრში მდებარეობს და აფეთქების მუხტიც საკმაოდ მძლავრი იყო ნაკლებად სავარაუდოა (თუმცა გამორიცხული არ არის) უკრაინული დრონების ცნობილ მოდიფიკაციასთან გვქონოდა საქმე. უფრო მაღალი ალბათობით ესაა ან დასავლეთის მიერ გადაცემული (ჩვენთვის უცნობი) ფრთოსანი რაკეტიდან რომელიმე ან უკრაინული მოდიფიკაციის "ჰრომ" ტიპის რაკეტა, რომელიც სულ რამდენიმეა შექმნილი, თუმცა მისი ეფექტი ნამდვილად დამანგრეველია. [ვიდეო კომენტარებში]
- რუსული შეტევა ლუგანსკისა და დონეცკის ოლქების საზღვარზე, სპირნესა და სივერსკის მიმართულებით ჩავარდა. რუსულ ცოცხალ ძალაში ძალიან დიდია დანაკარგები. პრაქტიკულად გადაულახავ ამოცანად ექცათ რუსებს ლისიჩანსკის მისადგომებიდან უკრაინელების განდევნა. ეს კი უკრაინელებს გრძელვადიანად ძალიან დიდ უპირატესობას აძლევს. ამ რუსული შეტევის ჩავარდნის ფონზე უკრაინელები ლისიჩანსკიდან 7 კილომეტრში საკმაოდ კარგ პოზიციაში იმყოფებიან.
- რუსი პროპგანდისტები ჩივიან მიუხედავად ასობით მილიონის რაკეტების სროლისა უკრაინაში დენის მიწოდება სრულადაა აღდგენილიო. რეალურად, რუსებმა ძვირფასი რაკეტები და რესურსები იმ მიზნის მისაღწევად გახარჯეს, რომლის შესრულებაც ფიზიკურად ვერ შეძლეს.
- უკრაინელები რუსებს ფსიქოლოგიურ წნეხში ამყოფებენ, როდესაც კონტრშეტევის სავარაუდო თარიღებსა და ადგილებს სერიოზულად განიხილავენ. რეალურად, შეტევა შესაძლოა კიდევ დიდი ხანი არც კი დაიწყოს, მაგრამ მოლოდინი, გადაღლილობა და დაძაბულობა, რომელიც ახლა რუსულ სამხედრო ძალებშია ძალიან ამძიმებს მათ მდგომარეობას.
ბიზნესი
რას წარმოადგენს ამერიკული BlackRock-ი, რომელიც $10.5 ტრილიონის აქტივებს მართავს?

გლობალური ფინანსური ქსოვილი სხვადასხვა ტიპის კომპანიების ურთიერთქმედებაზე დგას. ფინანსურ ეკოსისტემაში ვხვდებით, როგორც ბანკებს, ასევე ნეობანკებს და ფინტექ-კომპანიებს, საპენსიო ფონდებს, საგადახდო სერვისების მიმწოდებელ ორგანიზაციებს, კერძო კაპიტალის მმართველებს, ჰეჯ-ფონდებსა და აქტივების მმართველ კომპანიებს. აი, სწორედ ამ ბოლო კატეგორიას განეკუთვნება ამერიკული BlackRock-ი, რომელიც სხვა ადამიანებისა და კომპანიების აქტივებს მართავს, ანუ მარტივად რომ ვთქვათ, ინვესტიციას მათ ნაცვლად დებს. გამართული ბიზნესმოდელის გარდა, ამერიკულ კორპორაციას მაღალი რეპუტაცია, ინვესტორებისთვის ფინანსური სარგებლის გენერირების დეკადების განმავლობაში დამტკიცებული შედეგები და პლანეტარული მასშტაბის კავშირები გამოარჩევს.

ამ ყველაფრის დამსახურებით, BlackRock-ი პლანეტის უდიდეს აქტივების მმართველ კომპანიად იქცა, რომლის პორტფელი, ბოლო შედეგებით, $10.5 ტრილიონად იყო შეფასებული. 2024 წლის პირველი კვარტალის ფინანსური ანგარიშის თანახმად, გასულ ერთ წელიწადში, ამერიკულმა კორპორაციამ აქტივების ზომა $1.4 ტრილიონით გაზარდა. ამ თანხის მასშტაბს რომ მიხვდეთ, გეტყვით, რომ მექსიკის მთლიანი შიდა პროდუქტი სწორედ $1.4 ტრილიონია, როცა ესპანეთის, ინდონეზიის და საუდის არაბეთის - ნაკლები. თუმცა BlackRock-ის ჯამური აქტივების ზომა უფრო შთამბეჭდავია, რადგან ამ მაჩვენებელს ქვეყნების მშპ-სთან თუ შევაფარდებთ, აღმოვაჩენთ, რომ მას მხოლოდ ამერიკის შეერთებული შტატები და ჩინეთი უსწრებს.

რა შემოსავალს და წმინდა მოგებას აგენერირებს BlackRock-ი $10.5 ტრილიონად შეფასებული აქტივების მართვით?

2024 წლის I კვარტალში, BlackRock-მა $4.7 მილიარდის შემოსავალი მიიღო, რაც 11%-ით მეტია, ვიდრე შარშან. შემოსავალთან ერთად, ბოლო პერიოდში მკვეთრად, კერძოდ 36%-ითაა გაზრდილი კომპანიის წმინდა მოგება, რომელმაც მიმდინარე წლის პირველ სამ თვეში $1.5 მილიარდი შეადგინა. აღნიშნულ მაჩვენებლებს, უმეტესწილად, ის ფინანსური ინსტრუმენტები აგენერირებენ, რომელთაც BlackRock-ის პორტფელში ვხვდებით - აქ იგულისხმება, როგორც კომპანიების კაპიტალი, ანუ აქციები, ასევე ფიზიკური აქტივები, მათ შორის უძრავი ქონება.

აქციების კუთხით, BlackRock-ის აქტივებს შორის ყველაზე დიდი წილი მსოფლიოს უდიდეს ტექნოლოგიურ, ფარმაკოლოგიურ და ფინანსურ კომპანიებზე მოდის. BlackRock-ის აქციების პორტფელის ათი უდიდესი პოზიცია კი, შემდეგნაირად გამოიყურება:

#1 - Microsoft - $229.7 მილიარდად შეფასებული 542.02 მილიონი აქცია (BlackRock-ის პორტფელის 5.37%)

#2 - Apple - $178.4 მილიარდად შეფასებული 1.04 მილიარდი აქცია (BlackRock-ის პორტფელის 4.17%)

#3 - NVIDIA - $164.66 მილიარდად შეფასებული 182.42 მილიონი აქცია (BlackRock-ის პორტფელის 3.85%)

#4- Amazon - $115.18 მილიარდად შეფასებული 638.54 მილიონი აქცია (BlackRock-ის პორტფელის 2.69%)

#5 - META - $77.18 მილიარდად შეფასებული 158.94 მილიონი აქცია (BlackRock-ის პორტფელის 1.8%)

#6 - Alphabet (Class A) - $62.77 მილიარდად შეფასებული 415.9 მილიონი აქცია (BlackRock-ის პორტფელის 1.47%)

#7 - Alphabet (Class C) - $54.11 მილიარდად შეფასებული 355.37 მილიონი აქცია (BlackRock-ის პორტფელის 1.27%)

#8 - Eli Lilly - $50.78 მილიარდად შეფასებული 65.27 მილიონი აქცია (BlackRock-ის პორტფელის 1.19%)

#9 - Broadcom - $46.27 მილიარდად შეფასებული 34.91 მილიონი აქცია (BlackRock-ის პორტფელის 1.08%)

#10 - Berkshire Hathaway (Class B) - $45.21 მილიარდად შეფასებული 107.51 მილიონი აქცია (BlackRock-ის პორტფელის 1.06%)

წყარო:https://bm.ge/

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.