,
ქუვეითში, ტემპერატურამ მზეზე 70 გრადუსს, ჩრდილში კი 53 გრადუსს მიაღწია. ამის შესახებ ადგილობრივი მედია წერს. გამოცემა Al Rai-ს ცნობით, მიმდინარე ზაფხული ბოლო 70 წლის განმავლობაში ყველაზე ცხელი იქნება.
ანომალიური სიცხის ფონზე ქვეყნის რამდენიმე რეგიონში მოსახლეობას ელექტროენერგიის დაზოგვისკენ მოუწოდეს, ხოლო ძველი კონდიციონერები ახლებით შეცვალონ.
ექსტრემალური ტემპერატურა ქუვეითის ტროპიკული მდებარეობით და ინდოეთის ოკეანეში სეზონური ტროპიკული ციკლონითაა გამოწვეული. მეცნიერების ვარაუდით, 50 წლის შემდეგ ქუვეითში საშუალო ტემპერატურა ზაფხულში 60 გრადუსს მიაღწევს.
დონალდ ტრამპის განცხადებით, აშშ ირანში ხიდებსა და ელექტროსადგურებს გაანადგურებს, თუ ირანი ჰორმუზის სრუტეში გემებს თავს დაესხმება.
„ამ მომენტიდან ყოველ ჯერზე, როდესაც ირანის ისლამური რესპუბლიკა რაკეტით, დრონით ან სხვა იარაღით ჰორმუზის სრუტეში გემს დაარტყამს, ამერიკის შეერთებული შტატები დაბომბავს და გაანადგურებს ერთ ხიდს ან ელექტროსადგურს“, - წერს ტრამპი Truth Social-ზე.
ტრამპის თქმით, აშშ ირანის დედაქალაქ თეირანში და მის სიახლოვეს მდებარე ხიდებსა და ელექტროსადგურებსაც დაარტყამს.
