,
აშშ-ს პრეზიდენტმა დონალდ ტრამპმა განაცხადა, რომ ამერიკა გერმანიაში განლაგებული, მათი ჯარის ნაწილს პოლონეთში გადაიყვანს.
ტრამპმა ეს განცხადება თეთრ სახლში, პოლონელ კოლეგა ანდჟეი დუდასთან, ერთობლივი პრესკონფერენციის დროს გააკეთა.
”ჩვენ შევამცირებთ ჩვენს ძალებს გერმანიაში. ზოგიერთი მათგანი სახლში წავა, ზოგი კი სხვა ადგილებში გადადის და ამ სხვა ადგილებიდან, ერთ-ერთი ევროპაში, პოლონეთი იქნება”, - თქვა მან.
ამავე დროს, დაახლოებით 25 ათასი ამერიკელი ჯარისკაცი ისევ გერმანიაში დარჩება.
ტრამპმა ასევე აღნიშნა, რომ ამერიკელი ჯარისკაცების პოლონეთის ტერიტორიაზე დისლოცირებისთვის საჭირო თანხებს პოლონეთის მხარე გადაიხდის.
”ჩვენ მათ დამატებით ჯარს გავუგზავნით, ისინი კი ამაში ფულს გადაიხდიან”, - თქვა აშშ-ს პრეზიდენტმა.
თავის მხრივ, პოლონეთის მეთაურმა ანდჟეი დუდამ, მზადყოფნა გამოხატა მიიღოს ამერიკელი ჯარისკაცები თავის ქვეყანაში.
”მე არ დავმალავ იმ ფაქტს, რომ მივმართე ბატონ პრეზიდენტს, რომ მას არ გაეყვანა სამხედრო ძალები ევროპიდან, რადგან ეს მნიშვნელოვანია ევროპის უსაფრთხოებისთვის. თუ მე ვინმე მკითხავს, მზად ვართ თუ არა მათ მისაღებად. მე ვუპასუხებ: დიახ ჩვენ მზად ვართ ", - თქვა ანდრეჟა დუდამ.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
