პედაგოგების 10%-ზე მეტი კომპეტენციას ვერ ადასტურებს - რეფორმის 10 წელი და სავალალო შედეგები

თარიღი: 426

ავტორი:შოთა ტყეშელაშვილი

საქართველოში მასწავლებელთა სერტიფიცირების პროცესი 2010 წლიდან დაიწყო. რეფორმა თავისი შინაარსიდან გამომდინარე ყველა წინა მთავრობისთვის პოლიტიკურად მძიმე იყო, ამიტომაც ის რამდენჯერმე გახანგრძლივდა. გახანგრძლივებაა მოსალოდნელი ამჯერადაც, რადგანაც განათლების სამინისტრომ ჩაჭრილი პედაგოგების მიმართ ახალი დათმობები დაანონსა.

არსებული მდგომარეობით, საქართველოს სკოლებში სულ 58,870 პედაგოგი ასწავლის, საიდანაც 49,785-მა მასწავლებელმა გამოცდების და სხვა აქტივობების გზით შეძლო და ნაწილობრივ/სრულად დაადასტურა საკუთარი კომპეტენცია, თუმცა 6,780-მა პედაგოგმა საკუთარ საგნობრივ გამოცდაში კომპეტენცია ვერ დაადასტურა და მათ “პრაქტიკოსი მასწავლებლის” სტატუსი გაუუქმდათ. ეს საქართველოში პედაგოგების მთლიანი რაოდენობის 11.5%-ია.

რეფორმების 10 წელი - როგორ მიმდინარეობდა და იცვლებოდა პედაგოგთა სერტიფიცირების პროგრამა

მასწავლებელთა სერტიფიცირების პროცესი 2010 წელს დაიწყო და ის თავდაპირველად ნებაყოფლობითი იყო. პედაგოგებს გამოცდების ჩაბარების შედეგად უფროსი ან წამყვანი მასწავლებლის სტატუსის მიღება და ამ გზით, საკუთარი ანაზღაურების გაზრდა შეეძლოთ.

2015 წელს განათლების სამინისტრომ მიიღო დადგენილება, რომლითაც იმ პედაგოგებისთვის, რომლითაც უფროსი ან წამყვანი მასწავლებლის სტატუსის მოსაპოვებლად, მიენიჭათ პრაქტიკოსი პედაგოგის სტატუსი და განესაზღვრათ მაქსიმუმ ოთხწლიანი (3 წელი + 1 პილოტირების წელი) ვადა შემდგომი სტატუსის მოსაპოვებლად.

სტატუსის მოსაპოვებლად, სხვა აქტივობებთან ერთად, პრაქტიკოს მასწავლებლებს ჰქონდათ ვალდებულება, ჩაებარებინათ საგნის გამოცდა, რაც საკუთარ საგანში 60%-ზე მაღალი ქულის აღებას გულისხმობდა.

2017 წელს პირობები კიდევ ერთხელ შეიცვალა. პედაგოგებს მიეცათ საშუალება, კომპეტენცია დაედასტურებინათ თუ ტესტური დავალების მაქსიმალური ქულის 30%-ს მაინც გადალახავდნენ. ამით პედაგოგს ენიჭებოდა 1 კრედიტქულა, დანარჩენი კრედიტების შევსება კი მათ სხვა აქტივობებში, თავად სკოლის შეფასების შესაბამისად მიენიჭებოდათ.

შესაბამისად, ზღვარი, რაც 2010-2016 წლებში 60%-ზე მეტი ქულის აღებას გულისხმობდა, ფაქტობრივად, 30%-მდე შემცირდა. იმისთვის, რათა პედაგოგმა კომპეტენცია დაადასტუროს, მას 19 კრედიტის მოპოვება ესაჭიროება. კრედიტები მოიცავს როგორც საგამოცდო, ასევე სასკოლო აქტივობების შეფასებებს. კერძოდ:

თუკი მასწავლებელი გამოცდაზე აიღებს 30%-დან 40%-მდე, მას 1 კრედიტი ენიჭება, დანარჩენ კრედიტებს კი სხვა აქტივობებით ივსებს. თუკი ის გამოცდაზე აიღებს 40%-დან 50%-მდე ქულას, მას 4 კრედიტი ენიჭება, დანარჩენ კრედიტებს კი სხვა აქტივობებით ივსებს; თუკი 50%-დან 60%-მდე ქულას აიღებს მას 7 კრედიტი ენიჭება, დანარჩენ კრედიტებს კი სხვა აქტივობებით ივსებს, ხოლო თუკი 60%-ზე მეტი ქულას აიღებს გამოცდაზე მას 10 კრედიტი ენიჭება. ამასთან გამოცდის 60%-ზე მეტ ქულაზე ჩაბარება ავტომატურად ითვლება, რომ მათ საგნობრივი გამოცდა წარმატებით ჩააბარეს. იმ პედაგოგებს, რომლებიც გამოცდაზე 30%-ზე ნაკლებ ქულას იღებენ, არ აქვთ შესაძლებლობა კომპეტენცია სხვა სასკოლო აქტივობებით დაადასტურონ.

2020 წლის იანვრის მდგომარეობით, პრაქტიკოსი მასწავლების სტატუსის მქონე პედაგოგი სისტემაში აღარ უნდა ყოფილიყო, რის გამოც, 2019 წლიდან სასერტიფიკაციო გამოცდები, რომლებიც იქამდე წელიწადში ერთხელ იმართებოდა, ორჯერ ჩატარდა.

პედაგოგთა ნაწილმა ამ პროცესით სტატუსის ამაღლება შეძლო, თუმცა სისტემაში ათასობით პრაქტიკოსი მასწავლებელი კვლავ რჩებოდა. ამის გამო, განათლების სამინისტრომ კიდევ ერთხელ შეცვალა პირობები. იმ მასწავლებლებს, რომლებიც 2020 წლის 30 იანვრის მდგომარეობით, იყვნენ პრაქტიკოსი მასწავლებლები და 2020 წლის 30 აპრილმდე დარეგისტრირდნენ გამოცდაზე საგნობრივი და პროფესიული კომპეტენციის დასადასტურებლად, მიეცათ შესაძლებლობა, კვლავ ნაწილობრივ დაედასტურებინათ კომპეტენცია და დანარჩენი კრედიტები სხვა აქტივებობებით შეევსოთ. პარლამენტისთვის გაგზავნილი წერილიდან ირკვევა, რომ ამ გზით 5,000-მა პედაგოგმა გაიარა პროცესი.

ასევე იმ იმ მასწავლებლებს, რომლებიც 2020 წლის 30 იანვრის მდგომარეობით, იყვნენ პრაქტიკოსი მასწავლებლები და არ მიეცათ 2020 წლის ზაფხულში გამოცდაზე გასვლის შესაძლებლობა (არსებული პანდემიური მდგომარეობის გამო), გაუხანგძლივდათ სკოლაში საქმიანობის პერიოდი 2021-2022 სასწავლო წლის დაწყებამდე.

სამინისტროს განმარტებით, იმის გამო, რომ 2021 წლის ზაფხულში მასწავლებლის საგნობრივი და პროფესიული კომპეტენციების დადასტურების გამოცდები ჩატარდა პანდემიურ გარემოში, სისტემაში კვლავ შევიდა ცვლილება, რომლის მიხედვითაც, იმ მასწავლებლებს, რომლებიც 2020 წლის 30 იანვრის მდგომარეობით იყვნენ პრაქტიკოსი მასწავლებლები და დარეგისტრირებულნი იყვნენ გამოცდაზე და ზემოაღნიშნული გზით ვერ შეძლეს 19 კრედიტქულის მოპოვება, შეუწყდათ სტატუსი, თუმცა საშუალება მიეცათ, საქმიანობა გაეგრძელებინათ 2021-2022 სასწავლო წლის პირველი სემესტრის ბოლომდე.

ამ ცვლილების შედეგად, პრაქტიკოსი მასწავლებლების სამუშაო ადგილზე, რომლებიც 2021-2022 სასწავლო წლის დაწყებამდე გავლენ საგნის ან/და პროფესიული უნარების გამოცდაზე და ვერ აიმაღლებენ სტატუსს, სკოლის ადმინისტრაცია 2021-2022 სასწავლო წლის მეორე სემესტრის დაწყებამდე არაუგვიანეს 1 თვისა აცხადებს კონკურსს. სამინისტროს განმარტებით, თუკი ამ კონკურსის შედეგად, ვაკანტური პოზიცია ვერ შეისვო, სკოლა უფლებამოსილია, რომ პრაქტიკოსი მასწავლებელი, რომელიც 2020 წლის 1 თებერვლიდან 2020 წლის 30 აპრილის ჩათვლით დარეგისტრირდა მასწავლებლის გამოცდაზე, დაასაქმოს მოცემულ პოზიციაზე, ვაკანსიის შევსებამდე.

ჩაჭრილი პედაგოგების პროტესტი

პარასკევს, პედაგოგებმა, რომლებმაც გამოცდა ვერ ჩააბარეს პარლამენტის წინ საპროტესტო აქცია გამართეს. ისინი კანონის შეცვლას და პედაგოგის სტატუსის შენარჩუნებას ითხოვდნენ, რისთვისაც მათ პარლამენტის განათლების კომიტეტს მიმართეს.

სამინისტრო კიდევ ერთ დათმობაზე მიდის

9 დეკემბერს განათლების სამინისტრომ გამოაქვეყნა განცხადება, რომლის მიხედვითაც, უწყება პედაგოგთა სერტიფიცირების პროგრამაში კიდევ ერთხელ შეიტანს ცვლილებებს:

სამინისტრო ბოლო ორი თვის განმავლობაში აქტიურად გადიოდა კონსულტაციებს საქართველოს პარლამენტის განათლებისა და მეცნიერების კომიტეტთან, საქართველოს პედაგოგთა და მეცნიერთა თავისუფალი პროფკავშირთან და სხვადასხვა პროფესიულ ჯგუფთან. შედეგად, მასწავლებლის პროფესიული განვითარების სქემაში შემდეგი ცვლილებები შევა:

“იმ პრაქტიკოს მასწავლებლებს, რომლებიც 2020 წლის 31 იანვრისთვის ასწავლიდნენ ზოგადსაგანმანათლებლო დაწესებულებაში და 2020 წლის 1-ელი თებერვლიდან 2020 წლის 30 აპრილის ჩათვლით დარეგისტრირდნენ მასწავლებლის გამოცდაზე და საგნობრივი და პროფესიული უნარების კომპეტენცია დაადასტურეს ან დადასტურებული ჰქონდათ მინიმუმ ერთ კრედიტ-ქულაზე (გადალახული აქვთ საგნობრივი და პროფესიული უნარების მინიმალური ზღვარი), მიენიჭებათ უფროსი მასწავლებლის სტატუსი და რჩებიან სისტემაში.

იმ პრაქტიკოს მასწავლებლებს, რომლებიც 2020 წლის 31 იანვრისთვის ასწავლიდნენ ზოგადსაგანმანათლებლო დაწესებულებაში და 2020 წლის 1-ელი თებერვლიდან 2020 წლის 30 აპრილის ჩათვლით დარეგისტრირდნენ მასწავლებლის გამოცდაზე და საგნობრივი კომპეტენცია დაადასტურეს ან დადასტურებული ჰქონდათ 10 კრედიტქულაზე, მიენიჭებათ უფროსი მასწავლებლის სტატუსი და დარჩებიან სისტემაში.

იმ პრაქტიკოს მასწავლებლებს, რომლებიც 2020 წლის 31 იანვრისთვის ასწავლიდნენ ზოგადსაგანმანათლებლო დაწესებულებაში და 2020 წლის 1-ელი თებერვლიდან 2020 წლის 30 აპრილის ჩათვლით არ/ვერ დარეგისტრირდნენ მასწავლებლის გამოცდაზე და საგნობრივი და პროფესიული უნარების კომპეტენცია დადასტურებული ჰქონდათ მინიმუმ ერთ კრედიტ-ქულაზე (გადალახული აქვთ საგნობრივი და პროფესიული უნარების მინიმალური ზღვარი), უფლება აქვთ, მონაწილეობა მიიღონ ზოგადსაგანმანათლებლო დაწესებულების მიერ უფროსი მასწავლებლის ვაკანსიის შესავსებად გამოცხადებულ კონკურსში და კონკურსის წარმატებით გავლის შემთხვევაში, ზოგადსაგანმანათლებლო დაწესებულებაში დასაქმდნენ, როგორც უფროსი მასწავლებლები.

იმ პრაქტიკოს მასწავლებლებს, რომლებიც 2020 წლის 31 იანვრისთვის ასწავლიდნენ ზოგადსაგანმანათლებლო დაწესებულებაში და 2020 წლის 1-ელი თებერვლიდან 2020 წლის 30 აპრილის ჩათვლით არ/ვერ დარეგისტრირდნენ მასწავლებლის გამოცდაზე და საგნობრივი კომპეტენცია დადასტურებული ჰქონდათ 10 კრედიტქულაზე, უფლება აქვთ, მონაწილეობა მიიღონ ზოგადსაგანმანათლებლო დაწესებულების მიერ უფროსი მასწავლებლის ვაკანსიის შესავსებად გამოცხადებულ კონკურსში და კონკურსის წარმატებით გავლის შემთხვევაში, ზოგადსაგანმანათლებლო დაწესებულებაში დასაქმდნენ, როგორც უფროსი მასწავლებლები,” - ნათქვამია სამინისტროს განცხადებაში.

წყარო:https://bm.ge/

რეგიონი

გორში, 12 ჰექტარზე გაშენებული ცენტრალური პარკის რეაბილიტაცია-რეკონსტრუქცია დასრულდა

ქალაქ გორის ცენტრალური პარკის რეკონსტრუქცია-რეაბილიტაცია დასრულდა

განახლებული პარკით უკვე სარგებლობენ ქალაქის მაცხოვრებლები და მისი სტუმრები

პარკის ტერიტორია დაიყო სხვადასხვა ტიპის - სპორტულ, კულტურულ და რეკრეაციულ ზონებად. შეიქმნა ისეთი ახალი სივრცეები, რომელიც ბევრად უფრო კომფორტულს ხდის პარკში დასვენებას და დროის გატარებას ახალგაზრდებისთვის, ბავშვებისა თუ მათი მშობლებისათვის

რეაბილიტაცია ჩაუტარდა პარკში არსებულ ხელოვნურ ტბასა და 2 შადრევანს, შენობა-ნაგებობებს და საზოგადოებრივ საპირფარეშოებს; მოეწყო ახალი საფეხმავლო ბილიკები, ფანჩატურები, სივრცეები ღია კაფეებისთვის, სკეიტპარკი, ფამფტრეკი და საბავშვო ატრაქციონები

„12 ჰექტარზე გაშენებული გორის ცენტრალური პარკის რეაბილიტაცია-რეკონსტრუქცია დასრულდა. პარკმა მოგვცა ყველა ასაკის ადამიანისთვის საინტერესო, სხვადასხვა დანიშნულების სივრცეების მოწყობის შესაძლებლობა. მნიშვნელოვანია ისიც, რომ პარკში შეიქმნა ინფრასტრუქტურა, რომელიც იმართება კერძო სექტორის ჩართულობით. განახლებული პარკით გორს უკვე აქვს დიდი და საინტერესო რეკრეაციული სივრცე, რაც მნიშნელოვანია ყველა ქალაქისთვის,”-ამის შესახებ რეგიონული განვითარებისა და ინფრასტრუქტურის მინისტრმა, ირაკლი ქარსელაძემ გორის ახლად რეაბილიტირებული ცენტრალური პარკის მონახულების შემდეგ განაცხადა

პარკის გამწვანებისათვის, 46,793 კვმ ტერიტორიაზე დაირგო ბალახი, 237 ხე და 10,649 მცენარე, დამონტაჟდა საინჟინრო ქსელები კანალიზაციის, წყალმომარაგების და საირიგაციო ავტომატიზებული სისტემებისთვის. თანამედროვე პარკების ანალოგიურად, ტერიტორიაზე ცალკე მოეწყო ძაღლების სასეირნო სპეციალური სივრცე

გორის ცენტრალური პარკის განახლებული ინფრასტრუქტურა სრულად ადაპტირებულია შეზღუდული შესაძლებლობის პირებისა და ბავშვის ეტლით მოსარგებლე მშობლებისთვის

გორის პარკის რეაბილიტაცია-რეკონსტრუქციის სამუშაოები მსოფლიო ბანკისგან მიღებული სესხის ფარგლებში, 12.2 მილიონ ლარზე მეტით დაფინანსდა.

სრულად

გამოკითხვა

ვინ გაიმარჯვებს რუსეთ - უკრაინის ომში?

უკრაინა

რუსეთი

არ მაქვს პასუხი

ხმის მიცემა

სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.

ბლოგი

რუსეთ-უკრაინის ომის შეჯამება 20 სექტემბრის დილის მდგომარეობით - გიორგი კობერიძე

სრულად

რუსეთ-უკრაინის ომის შეჯამება 17 სექტემბრის დილის მდგომარეობით - გიორგი კობერიძე

სრულად

რუსეთ-უკრაინის ომის შეჯამება 14 სექტემბრის დილის მდგომარეობით - გიორგი კობერიძე

სრულად